Idrizibën“lëmsh” Idrizi bën “lëmsh” mbijetesën: Jemi 27 pikë,mbijetesën: Jemi 27 pikë, nuk ka burrë të na rrëzojënuk ka burrë të na rrëzojë
"Nuk ka burrë nëne që ta rrëzojë Flamurtarin nga Superiorja"
Klubi i Flamurtarit do të dorëzojë këtë javë në gjykatë dosjen ku do të kërkojë rikthimin e 6 pikëve. Vlonjatët do të hapin gjyq civil, ndërsa dosja është gati, bashkë me akuzat për FSHF. Një fakt të tillë e ka konfirmuar dje për "Panorama Sport" administratori i Flamurtarit, Sinan Idrizi. "Këtë javë do të çojmë dosjen në gjykatë civile, ku do të kërkojmë të na kthehen 6 pikët që na janë hequr padrejtësisht. Dosja i ka të gjitha detajet brenda dhe akuzat përkatëse. Pse është dëmtuar Flamurtari? Është dënuar për moskorrektësi ndaj tre lojtarëve që nuk duan të paguajnë detyrimet në shtet. Neve na ndëshkon FSHF, por ka edhe gjykata. Pse ju mendoni se vetingu nuk do të prekë futbollin. E keni gabim. Vetingu do të kalojë edhe në futboll. Nuk ka burrë nëne që ta rrëzojnë Flamurtarin nga kategoria. Keni parë ju që në Vlorë t'i bëhet presion arbitrit, kemi kërkuar ndonjë gjë në tavolinë, ne? Jo. Kjo, kokëfortësia jonë është antiligj dhe është gjë e madhe. Flamurtari nuk është jetim apo pa Zot", ka thënë fillimisht Idrizi.
Mbijetesa - Për kreun e klubit, Flamurtari nuk do të bjerë
nga kategoria. Idrizi thekson se llogaritë i bënë me 27 pikë dhe jo me 21 pikë, sa kanë aktualisht kuqezinjtë në klasifikim pas penalizimit me -6 pikë. "Flamurtari nuk bie nga kategoria, nuk ka shanse. Ne sot nuk kemi 21 pikë, por 27. Pra, unë llogarisë edhe 6 pikët që më
janë hequr pa drejtësisht. Përse ia hoqën pikët Flamurtarit, mund të ma argumentojë njeri mua. Për çfarë? Ja hoqën për dhunë, për moskorrektësi ndaj shtetit? Janë hequr për moskorrektësi ndaj Tatimeve, apo për deklarim të rremë. Ka mundësi njeri të më thotë, pse? Le të tregojnë
të gjitha klubet të ardhurat në Tatime. Nëse Flamurtari është dënuar me heqje 6 pikësh për 'fair-play' financiar, atëherë unë dorëzohem. Të jeni të sigurt, kjo gjë nuk është mbyllur. Ekipi sot është me 27 pikë. Të gjithë duhet ta dinë se Flamurtari nuk ka fituar ndeshjet asnjëherë
me të tretë. Pse Flamurtarit ju hoqën pikët? E dini pse? Sepse ne jemi korrekt me shtetin dhe kokëfortë në zbatimin e ligjit. Por kur ti na ndëshkon, atëherë këtu kemi të bëjnë me demarkacion", vijon Idrizi.
Apel 9S:9-së- Administratori i klubit vlonjat deklaron se është i kënaqur me paraqitjen e ekipit. Por, Idrizi ka një mesazh edhe për FSHF-në. "Gjendja e ekipit është shumë e mirë dhe unë jam i kënaqur. Vjet kemi zhvilluar ndeshje shumë të dobëta, ndërsa këtë sezon jam i kënaqur. Kjo luftë është e qartë, është lufta e shtetit me antishtetin. Jemi kokëfortë të mos
bëhemi pjesë e evazionit, të godasim informalitetin. Ti që del, flet dhe denoncon, je delja e zezë dhe nuk të duan. Ftoj FSHF-në të bëjë publike Tatimet që derdhin klubet, të jetë korrekte ndaj shtetit dhe pastaj të na dënojë ne që jemi të pastër. Ne nuk jemi parti politike, por klub serioz. Unë pranoj dështimet e mia në lojë, të jap dorën kur humbas, ashtu sikundër i kam dhënë dorën edhe presidentit të Besëlidhjes, që na eliminoi nga kupa. Por, unë nuk dështoj kurrë në seriozitetin dhe korrektësinë ndaj ligjeve të shtetit", përfundon deklaratën e tij administratori kuqezi.