Kukësi, Gjici shkund stafin
joka: Ishim më mirë se ata Patëm raste, por s na deshi fati dhe !minit i anuluan golin
Skuadra e Kukësit, edhe pse zhvilloi një paraqitje mjaft të mirë në "Zeqir Ymeri", nuk arriti dot të mposhtte kryeqytetasit e Partizanit, të cilët gjithashtu patën rastet e tyre. Për këtë arsye, verilindorët u barazuan me pikë nga Skënderbeu, i cili fitoi në Shkodër ndaj Vllaznisë. Fakti është që korçarët në katër takimet e fundit kanë rikuperuar plot katër pikë ndaj Kukësit. Për barazimin në shtëpi ndaj Partizanit, presidenti Safet Gjici nuk ka qenë i kënaqur, edhe pse Kukësi dominoi. Humbja e dy pikëve ka bërë që presidenti të thërrasë në apel stafin, duke bërë një mbledhje në mëngjesin e djeshëm. Gjatë mbrëmjes së ditës së diel, presidenti Gjici ka urdhëruar stafin që të ishin prezentë në zyrën e tij të hënën, në orën 10:00. Mbledhja
Në mbledhjen që zgjati vetëm 30 minuta, morën pjesë pjesëtarët e stafit të ngushtë administrativ dhe teknik, ku presidenti Gjici kërkoi shpjegime nga trajneri se pse Kukësi nuk fitoi dot. Mbledhja ishte me tone të ulëta, por, duke filluar nga ndeshja e radhës me Flamurtarin, presidenti Gjici nuk do tolerojë më askënd. Pavarësisht lojës së mirë të ekipit, primare janë pikët e plota, pastaj vjen loja e mirë. "Panorama Sport" ka arritur të zbardhë thelbin e mbledhjes së djeshme në kampin kuksian, në të cilën presidenti Gjici fillimisht u shpreh: "Zhvilluam një ndeshje të mirë ndaj Partizanit, por nuk mjafton. Jam i pakënaqur nga ky rezultat. Na duhen pikët! Erdhi Korça dhe na barazoi, nëse do vazhdojmë kështu s'kemi gjë në vijë".
Ndërkohë, Gjici i drejtohet Gjokës: Pse nuk e fituam ndeshjen?
Trajneri Gjoka- Nuk e fituam dot ndeshjen, pasi nuk na deshi fati. Rastet i patëm, por nuk na eci. Lojën
e bëmë, ishim më mirë se Partizani, golin e Eminit na e anuluan, pastaj me episode është ndeshja.
Gjici: Dakord, por ta dini që jam i pakënaqur. Duhet t'i kishim shfrytëzuar më mirë ato raste, duhet të kishim bërë gol. Dua që në takimin në
Vlorë të mos kemi më gjëra të tilla. Duhet përgatitur ndeshja në atë mënyrë, që të mbyllet shpejt, të mos rrimë deri në fund të presim për një gol. Përfundimi
Mbas bisedës me Gjokën, presidenti Gjici vijoi fjalimin, duke folur për kampionatin
që është i gjatë, por sipas tij Kukësi nuk duhet të neglizhojë askënd, ndaj duhet që të marrë maksimumin në çdo ndeshje. Sipas presidentit, vetëm me fitore Kukësi mund të arrijë objektivin, fitimi i titullit kampion.