( asin "j )at t uftëta i, a )ën ) dhj u "j nt

0 ojtarët )enalizohen )ër barazimin me 0 a1in

"Kur u ngjitëm në vendin e katërt, nisën problemet tona". Kështu u shpreh trajneri i Luftëtarit, Mlladen Milinkoviç, pas barazimit ndaj Laçit në Gjirokastër. Nuk kaluan as 24 orë nga hapi fals në shtëpi dhe menjëherë presidenti i klubit, Grigor Tavo, ka mbledhur ekipin dhe ka marrë masa për paraqitjen e dobët kundër Laçit. Burime zyrtare në klubin bluzi treguan dje për "Panorama Sport" se Tavo ka vendosur që t'i gjobisë të gjithë lojtarët ;shuma nuk bëhet e ditur<, ndërsa ka kërkuar patjetër fitoren në takimin e radhës që do të luhet të shtunën kundër Vllaznisë. Kjo është hera e parë që kreu i klubit gjirokastrit merr një masë penalizuese ndaj futbollistëve. Sipas këtyre të fundit, presidenti ka qenë shumë korrekt deri më tani me pagesat, ndërsa përveç tyre ka shpërndarë rregullisht edhe premio për rezultatet pozitive. Mësohet se kjo masë ndaj lojtarëve është më shumë për ndërgjegjësimin e tyre në këtë fazë delikate të sezonit, ku më shumë se kurrë duhen pikët, në mënyrë që skuadra të sigurojë sa më shpejt qëndrimin në Kategorinë Superiore. Takimi i radhës ndaj Vllaznisë është si finale për bluzinjtë, të cilët në rast fitoreje shkëputen edhe më shumë rivalët dhe forcojnë pozitat për të mbajtur vendin e katërt. Nëse Luftëtari e mbyll kampionatin në këtë pozicion dhe njëkohësisht Skënderbeu arrin të fitojë Kupën e Shqipërisë, ka shanse të kualifikohet për në Europë. Sipas rregullores, me këtë formulë përfiton vendi i katërt. Gjirokastritët rivalizojnë me Tiranën, që është vetëm një pikë më pak.