Ngjitet në Superiore, FSHF fushë të re për Kamzën
Mziu: Tani dua edhe kupën e Kategorisë së Parë
Kamza është rikthyer në Kategorinë Superiore pas pesë vitesh mungesë. Por, në ndeshjen e fundit ndaj Besëlidhjes, që u luajt në stadiumin e Kamzës, u vu re se terreni ishte në gjendje mjaft të rënduar dhe është e pamundur që një skuadër e Superiores të luajë në ato kushte. Por, duket se zgjidhja për këtë gjë ka ardhur. Komiteti Ekzekutiv në FSHF ka vendosur që të ndërtojë fushën sportive të stadiumit të Kamzës me bar natyral. Një vendim i tillë është marrë edhe për fituesin e grupit A, që është Lushnja. Punimet pritet të nisin së shpejti dhe një gjë të tillë e ka konfirmuar dhe kryebashkiaku i Kamzës, Xhelal Mziu, i cili është shprehur: "Është e vërtetë që fusha na ka penalizuar, por ishte e papranueshme që ne të fillonim ristrukturimin e fushës. Në kontaktet që kam pasur me
presidentin e Federatës Shqiptare të Futbollit kemi hartuar një projekt të përbashkët. Në këto ditë do të fillojë investimi për ndryshimin e tapetit apo rregullimet e infrastrukturës nëntokësore të drenazhimit dhe, pse jo, për të ndërhyrë edhe në pjesë të
tjera të stadiumit, duke krijuar akoma më shumë vende apo standarde, të cilat t'i përshtaten përfaqësimit të ekipit në elitë", ka thënë Mziu.
Trofeu - Në vazhdim të prononcimit të tij, Mziu ka folur edhe për suksesin e ekipit të tij dhe kërkon kupën e Kategorisë së Parë në ndeshjen ndaj Lushnjës. "Duam që ta kurorëzojmë me sukses mundin dhe djersën e derdhur gjatë këtij viti. "Qershia mbi tortë" është edhe Kupa e kampionit të Kategorisë së Parë, të cilën do ta diskutojmë të premten në "Elbasan Arena". Fitimi i këtij titulli ka një rëndësi historike për klubin tonë pasi ne faktikisht e kemi fituar dhe dy herë të tjera, 197172 dhe 1980-81, por regjimi i atëhershëm na i mohoi këta dy tituj dhe tashmë është radha 'e treta e vërteta' për ta bërë edhe ligjërisht ekipin tonë me një titull kampion", ka vazh- duar Mziu, që premton edhe siguri financiare gjatë sezonit të ardhshëm. "Nuk do të mendojmë thjesht për të qenë pjesë e Superiores, madje ne e kemi provuar edhe para pesë vitesh një gjë të tillë, por tashmë kemi vërtet një ekip shumë të mirë. Në bashkëpunim edhe me stafin drejtues, edhe me presidentin po shohim të gjitha mundësitë për ta mbajtur ekipin në vazhdimësi për të mos pasur asnjë periudhë shkëputjeje, në mënyrë të tillë që të jetë vërtet një ekip konkurrues në Superiore", mbylli kryebashkiaku i Kamzës. Abdulla Dushku