Moxhi i trembet Realit: I frikshëm!
"Bardhezinjtë janë më të fortë si grup, por rikuperimet e Varan dhe Karvahal vlejnë"
Pasi kampionatet kanë dhënë verdik tet e tyre, e gjithë vëmendja është spostuar te finalja e Ligës së Kampioneve, në Kardif, ku në "Millenium Stadium", më 3 qershor, do të ngjiten në "skenë" Juventusi dhe Reali i Madridit. Pikërisht duke parë sesi shkojnë këto dy skuadra drejt kësaj beteje, ish-drejtori i bardhezinjve, Luçiano Moxhi, duket se ka humbur pak nga euforia e një muaji më parë, në lidhje me një sukses të "Zonjës së Vjetër". Kjo, për arsye se skuadra e drejtuar nga Zinedin Zidan ka ndërruar ritëm së fundmi dhe tashmë po shprehin një futboll të rrezikshëm. "Së fundmi e kam parë dy herë Realin: e ndoqa me Bajernin e Mynihut dhe nuk më pëlqeu, sepse finalistja e vërtetë e Champions-it duhej të ishte skuadra gjermane. Por, pikërisht pas atij dueli, doli në sipërfaqe një tjetër Real Madrid. Shkova ta shihja në stadium, në Vigo, kundër Seltës dhe mund t'u them se pashë një skuadër totalisht ndryshe: të gjithë vrapojnë; Marselo ka një formë prej jashtëtokësori; Ronaldo që i shënoi tre gola Bajernit vërtet shënoi dy me Sëltën, por tani vrapon sikur është pushtuar nga djalli dhe sakrifikohet deri në mbrojtje... Edhe me Malagën pashë një Real të frikshëm, i cili duket i vendosur që t'i mbyllë ndeshjet sa më shpejt, duke përdorur të gjithë potencialin e kampionëve që ka në dispozicion, - vazhdon Moxhi me analizën e tij. - Sikur të mos mjaftonte kjo, kanë rikuperuar një qendërmbrojtës si Varan, akoma më i rëndësishëm rikuperimi i Karvahalit në korsinë e djathtë, i cili
sposton Danilon në stol, me brazilianin që, nëse do të luante, do të kishte qenë një 'aleat' i Juves, falë formës së tij gati banale. Gjithsesi, në atë finale, Juventusi mund të thotë fjalën e tij... Kundrejt spanjollëve, si grup janë më të fortë, më kompakt, ka një mbështetje
difensive që u jep garanci atyre që luajnë përpara dhe mbi të gjitha sepse janë më të uritur për këtë trofe sesa Reali. Ajo që më shtyn më shtyn të besoj te fitorja e Juves është fakti se Alegri ka bërë një punë të shkëlqyer. Deri në janar ai e studioi me vëmëndje
skuadrën dhe vuri re se reparti më i dobët ishte mesfusha, prandaj të futurit 5 sulmues në lojë nuk ishte një zgjedhje për të qenë më ofensiv, por për t'i larguar sa më shumë telashe Pjaniçit dhe Khedirës. Me Manxukiçin dhe Kuadradon ato zgjeruan lojën, ndërsa
Dibala dhe Higuain njëri pas tjetrit janë të paparashikueshëm. Kjo bën, që mbrojtjet rivale të dalin jashtë skemave, të lënë pozicionet, sepse Juventusi tani di të zgjerojë lojën në të gjithë fushën. Por edhe Reali di ta bëjë këtë mjaft mirë, sidomos së fundmi...".