Lot dhe batuta, Halili ngushëlloi futbollistët
Grima, batutë me Josën: Vitin tjetër do luani kundër Vllaznisë B
Ndeshja midis Vl laznisë dhe Ti ranës u ndoq nga një numër shumë i madh tifozësh, për vetë rëndësinë e takimit. Gjithsesi, dueli ishte i ngarkuar jo vetëm me emocione, por edhe me episode që nuk janë ndjekur dot nga televizioniG
- Ndeshja filloi me dy minuta vonesë për shkak të flakadanëve që tifozët vendës hodhën në afërsi të fushës.
- Që në orën 15:30 ka filluar që të mbushet stadiumi "Loro Boriçi". Grupe të rinjsh familjarë dhe shumë femra kanë qenë të pranishme në këtë takim tejet delikat për ekipin e Vllaznisë. Tifozët kuqeblu kanë qenë si asnjëherë tjetër më të shumtë në numër. Sapo i ka ftuar Vllaznia, ata i janë përgjigjur me një mbështetje masive. Në total, numri i tifozëve i kaloi 13 mijë, të influencuar edhe nga fakti që hyrja ishte falas.
- Numri i madh i automjeteve të mbërritura nga mbarë Shqipëria në drejtim të Shkodrës për të mbështetur ekipin e zemrës kanë zënë jo vetëm rrugët kryesore të qytetit, por edhe rrugicat përreth stadiumit, duke shkaktuar në njëfarë mënyre edhe bllokimin e tyre.
- Vllaznia, edhe në takimet me ekipet pretendente, në këtë sezon është ndjekur nga një numër i pakët tifozësh krahasuar me takimin e fundit. Edhe në emocione të tilla nuk ka munguar edhe batuta nga tifozëria shkodrane: "Qenka dashur të diskutohet mbijetesa që të mbushet stadiumi. Këta djem e kanë merituar mi nejt më shumë afër".
- Si për ironi, kënga e Vllaznisë kampione ndër vite e kënduar nga mjeshtrit e mëdhenj si Bujar Qamili e Frederik Ndoci ka qenë përshëndetëse si para startit të takimit e po ashtu në pushim dhe në fund të saj.
- Tekniku Mirel Josa ka takuar para nisjes së sfidës stafin e skuadrës shkodrane, Cungun, Danin e Maxhar po ashtu edhe drejtuesit e tjerë. Dy të parët kanë qenë në rolet e zvKtrajnerëve në periudhën kur tekniku drejtonte skuadrën shkodrane.
- Mbrojtësi Antonio Marku kishte vetëm dy javë që kishte kryer operacionin, por vendosi që të ishte në dispozicion të skuadrës, duke bërë një sakrificë të madhe fizike. Ai kërkoi edhe që të luante në minutat e fundit, duke dhënë kontributin e tij që kuqeblutë të marrin pikë dhe mbi të gjitha të sigurojnë mbijetesën.
- Pasi janë çliruar nga ankthi i takimit, ish- drejtori sportiv i Vllaznisë e njëkohësisht tekniku aktual i kombëtares së femrave, Armir Grima nuk ka ngurruar që të lëshojë një batutë në drejtim të teknikut Josa. "Mos u mërzit profesor, do luajmë prapë bashkë në Kategorinë e Parë". Ishte fjala që Tirana do të luajë në Kategorinë e Parë me ekipin e Vllaznisë B.
- Suad Lici, një nga emrat e spikatur të ekipit shkodran ndër vite, por edhe pjesë e skuadrës së Tiranës, nuk ka ngurruar që të shkojë dhe të takojë stafin teknik dhe ekipin e Tiranës në dhomat e zhveshjes pas përfundimit të takimit. Po ashtu ka përshëndetur dhe ekipin e Vllaznisë.
- Presidenti i ekipit të Tiranës, Refik Halili, ka shkuar në dhomat e zhveshjes pas përfundimit të takimit. Ai ka ngushëlluar lojtarët si brenda dhomave e po ashtu ka përgëzuar edhe brenda në autobus një pjesë prej tyre që kishin dalë më shpejt nga dhoma.
- Tekniku Mirel Josa gëzon simpatinë e tifozërisë shkodrane. Pavarësisht se i mërzitur për rënien e ekipit të tij në Kategorinë e Parë, nuk ka mbetur pa takuar disa tifozë kuqeblu.
- Denis Pjeshka ka pasur
dje jo pak gëzime. Qëndrimi në Superiore, por edhe datëlindja e 22-të e tij.
- Skuadrës dhe stafit të ekipit i është shtruar menjëherë pas takimit një darkë në ambientet e lokalit "Vllaznia" poshtë shkallëve të stadiumit. Stafi dhe ekipi kanë festuar qëndrimin, ndërsa, përveç lojtarëve që kanë qenë të pranishëm në fushë e në stol, nuk ka munguar as treshja Shtubina, Bicaj e Vrapi që e kanë ndjekur mes shumë emocionesh këtë takim.
- Në fund të takimit, nuk kanë munguar lotët nga lojtarët e të dyja skuadrave. Nga njëra anë ishin ata të Tiranës që ranë në Kategorinë e Parë, ndërsa nga ana tjetër ishin ata të Vllaznisë që lotuan nga gëzimi për sigurimin e mbijetesës.
- Trajneri i Vllaznisë ka festuar si rrallëherë në përfundim të takimit, duke hequr këmishën që mbante veshur dhe duke e valëvitur rreth stadiumit, duke vrapuar.
- Në përfundim të takimit, ministri Bushati është munduar të ngushëllojë presidentin Halili duke i dhënë: "Mos u mërzit", ndërsa kreu i klubit bardheblu iu përgjigj: "Çfarë t'i bëjmë, ky është futbolli".
- Sulmuesi i Tiranës dhe njëkohësisht djali i presidentit, Grent Halili, ka qenë një prej atyre që qau më tepër në stolin e skuadrës dhe ishte Devi Muka ai që shkoi për ta përqafuar.
- Në fundin e lojës ranë në sy tentativat e futbollistëve të Vllaznisë për të vonuar lojën, por aktrimi i portierit Selimaj ishte me të vërtetë komik. Në tentativën për të gjuajtur topin, ai bëri sikur u dëmtua në kofshën e djathtë.
- Mesfushori i Tiranës, Afrim Taku, nuk e priti mirë zëvendësimin nga trajneri Josa, duke përplasur një send që kishte në dorë.
- Në minutën e 33-të nuk mungoi as tensioni mes lojtarëve për shkak të një faulli, por arbitri arriti ta menaxhojë me shumë qetësi.
- Katër minuta para se të përfundonte koha e rregullt, tifozët e Tiranës u nxorën nga stadiumi prej forcave të rendit.
- Në minutën e 89-të, një kapsollë bëri që anësori italian të futet menjëherë në fushën e lojës.