Qarri: Noka gjithmonë i dyti, Kamza do jetë super
"Do ruhet grupi aktual, nuk do jemi kalimtarë në elitë"
Më në fund, Kam za ka regjistruar emrin në listën e librit të artë të kampionëve të Shqipërisë për Kategorinë e Parë, teksa ka fituar titullin pasi mundi me penallti në finale skuadrën e Lushnjës. Kamza kishte më shumë se një sezon e gjysmë që kishte projektuar ngjitjen në superiore. Ka qenë janari i 2016- ës kur skuadra u furnizua me disa lojtarë cilësorë si: Vodo nga Lushnja, Velo nga Flamurtari, Çekici nga Pogradeci, Elmazi nga Dinamo, Bytyçi nga Pogradeci, për t'u kompletuar më pas gjatë merkatos së verës së këtij viti, duke afruar Ferrajn, Hysën, Morinën, Rezin, Bocin, Basriun, Frashërin, Nimanin, Sefën dhe të tjerë, lojtarë me shumë eksperiencë që japin garanci. Dhe në fund, ekipi ia doli të rikthehej në elitë pas pesë vitesh. Një skuadër e drejtuar nga Bledar Devolli deri katër javë nga fundi dhe më pas ishte Ramadan Ndreu që finalizoi gjithçka.
QARRI
Në një prononcim për gazetën, presidenti i skuadrës, Naim Qarri shprehet: "Sigurisht që është një fitore e madhe, madje historike për këtë skuadër sepse është hera e parë që marrim një titull të tillë. Tashmë jemi ne në Superiore dhe kampionë të Shqipërisë. Dua t'i them presidentit të Besëlidhjes, Gjok Noka se e kisha paralajmëruar që në fillim se
FIERAKËT do të ishte i dyti dhe e mbajta fjalën. Dua që të jetë i qetë, pasi Kamza e ka fituar këtë arritje me ndershmëri dhe me shumë faktorë kundër. Ka qenë ndihma e pakursyer e kryebashkiakut Mziu si financiarisht, po ashtu edhe moralisht që ka ndikuar shumë në këtë sukses.
Gjithashtu, një falënderim shkon për të gjithë drejtuesit e skuadrës që nga Devolli e deri te Ndreu si dhe të gjithë stafin teknik. Por, protagonistët sigurisht që meritojnë gjithçka pasi ata janë aktorët që bënë të mundur në fushë arritjen tonë. Prandaj një urim për të gjithë futbollistët e Kamzës. Premtojmë se do të ndërtojmë një superskuadër, ku baza e ekipit do të jenë këta futbollistë që shpallën ekipin tonë kampion", tha Qarri.
MZIU
Edhe kryebashkiaku Xhelal Mziu është parë shumë i lumtur në dy ndeshjet e fundit ku skuadra ka fituar trofetë. Në një prononcim për gazetën, ai shprehet: "Ne e kemi provuar edhe rolin e debutuesit në elitë
para 5 vitesh, por kësaj radhe, në bashkëpunim edhe me presidentin e klubit, me futbollistët dhe me stafin drejtues kemi tentuar për të bërë një ekip solid e me perspektivë. Dhe jam i sigurt që krahas skuadrës, do të ndërtojmë edhe infrastrukturën e nevojshme në stadium. Dhe brenda pak ditësh, do të fillojë rikthimi i stadiumit brenda standardeve, në bashkëpunim edhe me Federatën Shqiptare të Futbollit dhe jam i sigurt që ekipi i Kamzës nuk do të jetë kalimtar në Superiore", përfundoi prononcimin e tij për gazetën kryebashkiaku i Kamzës, Xhelal Mziu. Tashmë, ekipi pritet të mblidhet në qershor për të nisur fazën përgatitore.