Ja pse bavarezët do të jenë kampionët e sezonit të ardhshëm

Bukuria e futbollit është të jetë i tillë. Gjatë javëve të fundit janë treguar përpjekjet për ta transformuar atë në një skenë koncerti, sikurse ka ndodhur në triumfin e fundit bavarez dhe atij të Dortmundit. Kjo nuk do të thotë që këto festime janë diçka e gabuar, por transformimi i futbollit në një arenë jo sportive është diçka e tepruar. Megjithatë, sipas kritikave, thuhet se skuadra bavareze do të jetë kampione e pandalshme për sezonin e radhës. Ja cilat mund të jenë arsyet…

Fakt është se skuadra e Borusias së Dortmundit është kundërshtarja numër 1 e bavarezëve. Por, përgjatë sezonit të ardhshëm, ky kundërshtar nuk do të jetë një kërcënim për Bajernin, pasi problemet me verdhezinjtë janë theksuar më tepër gjatë kohëve të fundit. Një prej këtyre problemeve është fanella e Pier- Emerik Aubamejang. Bomberi gabonez thuhet se do të largohet këtë verë nga skuadra, ku si pasojë vlerat e saj do të zbehen, në rast se lojtari kyç i të gjithë sezonit largohet. Milionat nga Kina, Italia dhe Franca për Auban po bëjnë që skuadrës t'i ikë nga duart i vetmi lojtar që i siguronte asaj fitoren. Jo një rast i parë ky për verdhezinjtë, pas largimit të Levandovskit, Gundogan dhe Mkitarjan. Përpos këtij fakti, një tjetër problem gjendet në stolin e trajnerit. Krahas largimit të Aubamejangut, Dortmundit do t'i duhet të mendojë edhe për zëvendësuesin e trajnerit Tomas Tuhel, e ardhmja e të cilit thuhet se do të mbyllet po këtë verë, pas shumë mosmarrëveshjesh me kreun Vacke. Edhe pse Tuhel e ka drejtuar skuadrën drejt titullit në vitin 2012, marrëdhënia mes tij dhe Vackes ka qenë shpesh e irrituar. Pas fitores së kupës, trajneri ka thënë se qëllimi i tij është të qëndrojë deri në fundin e kontratës, e cila përfundon në vitin 2018, por krerët, sikurse dhe një pjesë e skuadrës, nuk e kanë pritur dhe aq mirë këtë deklaratë. Për bavarezët do të jetë një rrugëtim mjaft i gjatë dhe intensiv. Pas përfundimit të karrierës së Filip Lahmit dhe Ksabi Alonsos, skuadrës do t'i duhet të gjejë zëvendësuesit e tyre. Por, sipas deklaratës së Uli Hënes, tarifa e këtij sezoni për transfertat do të jetë e mjaftueshme për një ristrukturim të skuadrës dhe për investimet në lojtarë.