Përplasja me Ministrinë, Gega: Ja e vërteta
“Federata Botërore lejon garimin me klub të huaj”
Kampionia e dyfishtë e kurorëzuar në ko mbëtarin e 79-të për të rritur, Luiza Gega, ka thyer heshtjen rreth përplasjes së fundit me Ministrinë e Mbrojtjes. Atletja shqiptare, e përfshirë në Forcat e Armatosura të Republikës së Shqipërisë në Policinë Ushtarake si ushtare e dytë, mori pjesë në kampionatin turk (Superligë) dy ditë më parë, nën fanellën e Fenerbahçes, ndonëse kërkesa e saj ishte refuzuar nga ana e Shtabit të Përgjithshëm. Në një prononcim për gazetën "Panorama Sport" pas triumfit të djeshëm në "Elbasan Arena", Gega sqaron se konkurrimin për një klub të huaj e lejon Federata Botërore e Atletikës ( IAAF). "Nuk ka ndodhur asgjë ndryshe nga sa është thënë. Siç e dini, unë jam pjesë e Policisë Ushtarake. Po e nis historinë nga fillimi. Mua m'u bë një propozim që vitin e kaluar kur isha në Amsterdam në Kampionatin Europian, nga ekipi i Fenerbahçes që të merrja pjesë dhe të bëja gara për ta. Sigurisht, jo për të përfaqësuar Turqinë, por thjesht ekipin, për të dalë kampion, siç unë jam edhe me Tiranën. Rregullorja e Federatës Botërore të Atletikës e lejon një gjë të tillë. Kjo në fakt nuk u prit mirë nga Ministria e Mbrojtjes apo Policia Ushtarake ku unë jam pjesë dhe ma refuzuan si kërkesë, pavarësisht se unë bëra dy kërkesa. Kjo ishte e gjitha, thjesht ata nuk pranuan që unë të marr pjesë me ekipin e Fenerbahçes, sepse Policia Ushtarake dhe Ministria e Mbrojtjes nuk e lejon diçka të tillë", tregon fillimisht nënkampionia e Europës.
BALLAFAQIMI- Në vijim, Gega thekson se deri tani nuk
ka pasur asnjë komunikim me autoritetet përgjegjëse të Ministrisë së Mbrojtjes. "Probleme në Turqi? Absolutisht asgjë, e thashë që Federata Botërore e Atletikës e lejon që unë të marr pjesë, siç edhe po marr pjesë sot (dje) për Tiranën dhe para dy ditësh përfaqësova ekipin
e Fenerbahçes. Për aq kohë sa e lejon kjo federatë, do të thotë që nuk ka asnjë pengesë. Kam ardhur mbrëmë (parmbrëmë) dhe nuk kam pasur kohë të flas me institucionet përkatëse, megjithatë në ditët në vazhdim do të sqarohet. Në këto gara erdha thjesht për të
nxjerrë Tiranën kampione, jo se synoj ndonjë gjë".
DISIPLINA- Në bazë të Ligjit për Disiplinën në Forcat e Armatosura të Republikës së Shqipërisë do të mblidhet Komisioni i Disiplinës, i cili i propozon Shtabit të Përgjithshëm masën që do të merret.