“Na dënoi Federata e Krimit”

"Vendim i paprecedentë dhe i transformuar, edhe UEFA e ka njohur titullin e vitit të shkuar"

Skënderbeu hidhet në kundërsulm. Pas vendimit të dhënë dje prej Komisionit të Etikës, klubi korçar ka reaguar menjëherë duke lajmëruar ankimimin e vendimit në KAS, si edhe ka hedhur akuza të drejtpërdrejta mbi komisionin që dha edhe dënimin. Skënderbeu e quan pseudoorgan juridik Komisionin e Etikës dhe vendimin e saj e konsideron si cenim dhe kërcënim të hapur. Klubi shkon edhe më tej, ndërsa e quan FSHF-në si Federata Shqiptare e Krimit. Në deklaratën e postuar në faqen zyrtare, klubi sqaron se ka kërkuar argumentimin e këtij vendimi, ndërsa e quan të tepërt faktin që u dënuan pa asnjë provë. REAGIMI

"Klubi i Futbollit 'Skënderbeu' bën me dije tifozërinë korçare dhe opinionin sportiv se menjëherë pas vendimmarrjes së Komisionit të Etikës të FSHF, është kërkuar zyrtarisht argumentimi i vendimit, si hapi procedurial paraprak për ankimimin në Gjykatën e Arbitrazhit Sportiv ( CASTAS). Vendimi i ditës së sotme (djeshme) nga ky pseudoorgan juridik është një akt i paprecedentë, i denjë për katedrat e universiteteve të drejtësisë. Vetëm një organ i FSHFsë mund të transformonte një vendim administrativ në një vendim disiplinor, pa pasur qoftë edhe një provë të vetme të drejtpërdrejtë apo indirekte mbi të akuzuarin. Vetëm një

''Suksesi nuk jepet, ai fitohet'', këtë mesazh jepnin korçarët bashkangjitur me reagimin

organ i FSHF-së mund të procedonte ndaj një subjekti pa i komunikuar atij akuzën, provat mbi të cilat ajo mbështetej apo subjektin akuzues. Vetëm Komisioni i Etikës i Federatës Shqiptare të Krimit në Sportin e Futbollit mund të jepte një vendim ku vërtetësia

e fakteve nuk ka asnjë relevancë", shkruhej fillimisht në reagimin e klubit në faqen zyrtare në "Facebook". Ata janë munduar që të qetësojnë tifozët, madje theksojnë se titulli i sezonit 2015-2016 është totalisht i merituar dhe këtë e ka pranuar edhe "qeveria" europiane e futbollit. "Klubi i futbollit Skënderbeu siguron tifozërinë korçare se ky cenim dhe kërcënim që na është bërë sot (dje) nga ana e Komisionit të Etikës, veçanërisht me heqjen e një titulli kampion, të cilin vetë UEFA e ka konsideruar më se të merituar, do

të ankimohet në çdo germë të tij, pasi jemi të sigurt në pafajësinë tonë të pakundërshtueshme. Falënderojmë sportdashësit dhe komunitetin, të cilin e kemi përfaqësuar denjësisht gjatë kësaj dekade për mbështetjen dhe solidaritetin e treguar. Të sigurt, vazhdojmë

përpara për të rishkruar çdo vit historinë e futbollit shqiptar!", mbyllet reagimi i klubit bardhekuq. Ky status shoqërohej me një foto ku shfaqen shtatë titujt kampionë së bashku me vitet përkatëse dhe në të shkruhej "Suksesi nuk jepet, ai fitohet".