Jankulovski: Milani zbret Juven nga froni në 2018

“Besoj te ringjallja e ‘Djallit’, por Donaruma më zhgënjeu”

Iintervistuar nga e përdit shmja italiane "Il Matti no", ish-mbrojtësi i Milanit, Marek Jankulovski, ka folur për situatën e Milanit dhe futbollin italian në përgjithësi. Për çekun, edhe çështja "Donaruma" është një problem që duhet zgjidhur sa më shpejt, sidomos në prag të fazës përgatitore ku skuadra duhet të japë maksimumin për këtë rikthim në kupat europiane.

Marek, sa ju mungon futbolli?

Ka nevojë ta them? Më mungon gjithçka, që nga aroma e barit deri te vështirësitë e stërvitjeve. Kam qenë shpesh në "Milanelo", më duket sikur nuk jam larguar kurrë nga Milani.

Meqë e përmendët Milanin, si ju duket skuadra që po ndërtohet?

Po bëhen investime për të rikthyer klubin aty ku meriton të jetë. Nuk është e lehtë, pasi nuk mjaftojnë vetëm paratë. Shpresoj që Montelës t'i jepet koha e duhur.

Po çështja "Donaruma"? Telenovelën e Xhixhos e kam ndjekur me vëmendjen nëpërmjet shtypit. Isha i bindur që do të rinovonte dhe që do të bëhej legjendë e Milanit për 10-15 vitet e ardhshme. Më duket një djalë i zgjuar, shpresoj ta mendojë edhe një herë largimin e tij.

A mjaftojnë 5 milionë për një 18-vjeçar?

Nuk e di nëse është vërtet çështje parash. Si futbollist më ka habitur shumë në nivel pjekurie dhe cilësie.

Ju e njihni nga afër Raiolën, vërtet është kaq i rreptë?

Nuk e di si janë punët mes Raiolës dhe Milanit, këto situata nuk gjykohen dot po nuk ishte në brendësi të tyre. Jeta të ofron rrugë dhe duhen bërë zgjedhje, sidoqoftë unë nuk e di si do të përfundojë. Kam lexuar se Milani po përpiqet të rivendosë

kontaktin mes palëve. A e ndiqni Serinë A? Nuk shkëputem dot nga Italia dhe kampionati juaj. Vitet e fundit, Juventusi ka hasur vetëm rezistencën e Napolit dhe Romës, shpresoj që nga sezoni i ardhshëm në lojë të futen edhe Milani dhe Interi. Besoj se kuqezinjtë i kanë të gjitha mundësitë për t'i vjedhur Juves fronin.