Ançeloti: Ky sezon do të jetë më i suksesshmi

“Nojer ende jashtë, nuk duam ta rrezikojmë që në fillim”

Tekniku italian i kampionëve gjermanë, Karlo Ançeloti, ka folur në konferencën për shtyp në prag të sfidës së parë, e cila do të hapë edhe sezonin e ri të Bundesligës. Gjatë ditës së sotme, Bajerni do të përballet ndaj Leverkusenit, ndaj dhe Ançeloti ka folur lidhur me formën e skuadrës, të dëmtuarit dhe zëvendësimet. Sapo ka hyrë në konferencë, trajneri e ka nisur duke thënë: "Jemi të gëzuar që do të nisim sezonin e ri të Bundesligës, ku synimi ynë edhe për këtë vit është të fitojmë titullin kampion".

A do të aktivizohet Manuel Nojer ndaj Leverkusenit?

Nojer në disa raste është stërvitur me skuadrën e në të tjera individualisht. Ai nuk do të mundet të luajë ndaj Leverkusenit pasi edhe ne nuk duam të rrezikojmë me të. Më pas do të shohim si do të jetë gjendja e tij. Megjithatë, them se do të aktivizohet ndaj Bremenit. Do të kemi edhe lojtarë të tjerë që do t'i mungojnë skuadrës si: Tiago, Martinez, Hames dhe Bernat. Sa i përket Tiagos dhe Martinezit do t'i bashkohen stërvitjes me skuadrën gjatë javës së ardhshme.

Cili do ta zëvendësojë Nojerin në portë?

Kam shumë besim te Sven Ulriash pasi ka treguar një formë dhe paraqitje tepër të mirë në ndeshjet e mëparshme.

Si është situata me Hames Rodrigez?

Ai është stërvitur sërish gjatë ditës së sotme, por nuk jam i sigurt nëse do të luajë ndaj Bremenit.

A do të luajnë Rudi ose Toliso?

Ata mund të luajnë të dy, por edhe të ulen në stol të dy. Nuk shoh shifrën e një lojtari përpara se të bëj gati formacionin.

A janë një problem për skuadrën dëmtimet e shumta?

Skuadra është në një formë shumë të mirë edhe pse kemi ende lojtarë të dëmtuar. Ky nuk është një problem i madh për ne pasi sezoni është ende në fillimin e tij. Do të kemi mundësinë t'i rikthejmë në formën më të mirë që të luajnë edhe më tej.

A do të jenë Alaba dhe Roben gati për ndeshjen?

Të dy ata janë në formë dhe në një gjendje mjaft të mirë fizike si dhe janë stërvitur

shumë për t'u rikthyer. Çdo gjë po shkon sipas planit, por nëse do të luajnë ose jo do më duhet ta vendos përpara ndeshjes.

Si e vlerësoni përgatitjen e Tomas Mylerit dhe gjendjen e tij fizike?

Myler është në një formë

mjaft të mirë. Ai ka shfaqur një performancë të shkëlqyer në fazën përgatitore duke shënuar dhe duke ndihmuar në maksimum skuadrën. Ky është një faktor shumë i rëndësishëm për ne. Ai nuk do të luajë si lojtar krahu në ndeshjen e sotme.

Si e shihni kundërshtarin?

Kam analizuar disa ndeshje të Leverkusenit. Ata kanë një trajner të ri, ide të reja dhe do t'u duhet kohë për të kuptuar të gjitha taktikat. Leverkuseni është një skuadër, e cila luan agresivisht në fushën e blertë dhe me intensitet të lartë. Mendoj se edhe sfida e sotme do të jetë e tillë. Është ndeshja e parë e sezonit dhe për të dyja skuadrat ka shumë rëndësi suksesi. Shpresoj t'ia dalim mbanë më së miri.

A do ta ketë mundësinë Vidal të jetë në formacionin

e parë?

Vidal është stërvitur shumë gjatë këtyre dy javëve të fundit. Ai ende nuk është në formën e tij më të mirë, por ka dhënë rezultate mjaft të mira. Do të më duhet të vendos përpara ndeshjes nëse do ta aktivizoj ose jo.

Si ndiheni ju personalisht për këtë sfidë?

Jam shumë i lumtur që jam këtu dhe mezi po pres nisjen e sezonit tim të dytë me Bajernin. Mendoj se ne mundemi, duam dhe do ta bëjmë këtë sezon edhe më të suksesshëm sesa ai i kaluari.

Çfarë mendoni për

skuadrën në këto momente?

Kam shumë besim te skuadra. Është e gjitha e kompletuar, kemi lojtarë tepër cilësorë dhe një frymë pozitive, e cila na ka ndihmuar shumë pas fazës përgatitore. Megjithatë është e qartë për çdokënd që Bundesliga nuk fitohet lehtë. Gjatë sezonit të kaluar kemi patur një garë të vazhdueshme me Dortmundin dhe Lajpcigun, ndaj them se edhe këtë vit do të jetë e njëjta gjë. Të gjitha këto skuadra duan të fitojnë ndaj Bajernit, por besimi im për skuadrën është tejet i madh.