sko ëmë të dukej e ehtë një ndeshje të ështirë

Isko, një emër që Italia dhe italianët nuk do ta harrojnë lehtë, derisa të sigurojnë kualifikimin për në Botërorin 2018. Mesfushori ofensiv i Realit të Madridit ishte makthi i "axurrëve" në mbrëmjen e djeshme në "Santiago Berbaneu", por edhe i portierit Xhanluixhi Bufon, i cili u detyrua ta nxirrte dy herë topin nga rrjetë, prej tij, vetëm në pjesën e parë. Dhe me të drejtë, ai u shpall edhe njeriu i duelit të djeshëm. "Arritëm të bëjmë shumë të lehtë një ndeshje që parashikohej shumë më e vështirë se kaq. Ditëm që të bëjmë speciale një natë që të gjithë kishim kohë që e prisnim, pasi do të vendosej më shumë se 90 për qind e kualifikimit direkt për në Botërorin e Rusisë. Dhe ia dolëm, madje me Italinë që, për asnjë moment, nuk na rrezikoi suksesin tonë dhe nuk është se na frikësoi. Dopieta ime? Kam një formë të shkëlqyer dhe e kam treguar në ndeshjet. Jam i lumtur për golat, por mbi të gjitha për fitoren tonë. Treguam edhe njëherë se jemi një grup i fortë, me 'armë' të forta për të kaluar edhe vështirësitë më të mëdha që mund të na dalin përpara. Skema me '9shin fals' na i bën më të lehta gjërat? Ndoshta po, por vetëm sepse ne dimë ta zbatojmë siç duhet atë. Jemi një grup që nuk kemi frikë që të sakrifikohemi, të vrapojmë dhe sulmues e mesfushorë që nuk ngurrojnë të kthehen deri në mbrojtje. Ky është shpirti që duhet të mbizotërojë në kombëtare dhe mendoj se ndaj Italisë të gjithë treguam se jemi një grup i madh. Edhe Italia ka kampionë të mëdhenj, por ishte mënyra e interpretimit që i bëmë ne ndeshjes, ajo që na dha fitoren".