Skandali, koret naziste “njollosin” Gjermaninë
"Pancerat" refuzojnë t'i përshëndesin në fund të takimit
Një episod i shëm tuar ka karakteri zuar minutat përpara fillimit të ndeshjes mes Republikës Çeke dhe Gjermanisë, e fituar nga "pancerat" me rezultatin 2-1 (takim i vlefshëm për fazën kualifikuese të Botërorit "Rusi 2018".
KORE NAZISTE - Duhej të mbahej një minutë heshtje (për vdekjen e parlamentarëve çekë) dhe si vijim do të këndoheshin himnet përkatëse të skuadrave përfaqësuese. Por tifozët gjermanë janë dëgjuar të vërshëllejnë dhe të brohorasin kore raciste. Markus Bark, një gazetar gjerman, ka komentuar megjithatë se lojtarët në fushë nuk kanë përkrahur për asnjë moment koret e fansave nga shkallët e stadiumit: "Nëse në stadiume këndohen kore me përmbajtje politike apo kundër lojtarëve, nuk ka asnjë arsye për t'i përkrahur". Tobias Altshafl, gazetar i së përditshmes gjermane "SportBild", është shprehur ndërkaq i shqetësuar nga koret naziste drejtuar sulmuesit Timo Verner dhe Federatës Gjermane të Futbollit ("DFB një m...", është dëgjuar mes frazave të tjera). Një frazë tjetër ishte "SiegHeil" ("Fitore-Nazizmit", drejtuar gjermanit me orgjinë turke, Mesut Ozil.
PRECEDENTI ME VERNER -
Timo Verner ka qenë lojtari gjerman më efikas gjatë vitit të kaluar në Bundesligë, pa i hequr meritat askujt prej sulmuesve të tjerë. Megjithatë, tifozët gjermanë duket se ende nuk ia kanë falur episodin që e pa protagonist të ndeshjes Lajpcig-Shalke, gjatë sezonit të kaluar: sulmuesi fitoi një penallti pas një simulimi, duke e dërguar vetë në
rrjetë (një nga 21 golat që ndihmuan skuadrën e tij të renditej në vendin e dytë, me një vend për herë të parë në Ligën e Kampionëve) çka u pasua nga ofendime prej tifozëve që ndodheshin prezentë në stadium, paçka se protagonisti më vonë kërkoi ndjesë. 21-vjeçari është tashmë një pjesë kyçe e përfaqësueses gjermane. Shënoi golat
e tij të parë në Kupën e Konfederatave, dërgoi në avantazh skuadrën e tij kundër Republikës Çeke (të premten, ndeshje ku "pancerat" fituan në Pragë me rezultatin 1-2) dhe mund të jetë një pikë kyçe për trajnerin Joakim Lëv, si "trashëgimtar" i Miroslav Kloses, në përpjekjen për të mbrojtur "fronin" si kampionë të botës, në "Rusi 2018".