Paqe në Krujë, lojtarët dehen pas ndeshjes
Futbollistët krutanë festojnë Bajramin pas takimit
Kastrioti dhe Dina mo zhvilluan dje një miqësore në stadiumin "Kastrioti", e cila u mbyll në barazim 2-2. Sa i takon ndeshjes, krutanët e nisin me një 11- metërsh të fituar që shndërrohet në gol nga Kabiru. Por, blutë e Dinamos baraspeshojnë dhe madje përmbysin rezultatin me Çotën dhe Hasën. Por, ky rezultat do të qëndronte në fuqi deri në minutën e 51-të, pasi Malindi me kokë barazon gjithçka. NDESHJA
Krutanët e nisin mirë lojën, teksa në minutën e 10-të Shaba ndërhyn keq ndaj Kabirut dhe për kryesorin Prenga ka penallti. Ekzekutimin e merr përsipër vetë sulmuesi, i cili nuk gabon dhe shënon 1-0. Dinamovitët kundërsulmojnë, por goli i barazimit do të vinte në minutën e 24-t. Çota nga e djath-
ta e sulmit dërgon një "predhë" të paarritshme për portierin Spahija dhe barazon shifrat 11. Krutanët "shtangen", teksa, në harkun kohor të tri minutave, pësojnë edhe një tjetër gol me autor Fabio Hasën duke e çuar rezultatin 1-2. Krutanët kundërpërgjigjen me disa Lojtarët e Kastriotit duke drekuar me rastin e festës së Kurban Bajramit pas miqësores së djeshme
raste të njëpasnjëshme me Kabirun, Malindin dhe Boçin, por pa rezultat. Në të 42-ën, Çela ka një rast ideal, por goditja e tij me kokë përfundon mbi tra. Fraksioni i parë mbyllet me rezultatin 1-2, ndërsa me nisjen e të dytit kryhen edhe mjaft zëvendësime nga të dyja skuadrat.
Krutanët janë ata që rrezikojnë të parët me sulmuesin Dyca që tenton, por nuk arrin të baraspeshojë rezultatin. Megjithatë, goli i barazimit nuk do të mungonte, pasi në të 51-ën është Enco Malindi, ai që me kokë e çon sferën në rrjetë duke baraspeshuar gjithçka. Drejtuesit e Kastriotit, menjëherë pas përfundimit të miqësores, kanë shtruar një drekë për të gjithë stafin dhe futbollistët me rastin e festës së Kurban Bajramit. Një drekë që ka zgjatur disa orë dhe lojtarëve u është lejuar edhe teprimi me pijen.