Shkrinjar: Dua Champions-in
"Më kanë ndihmuar shokët. Shpresoj që tifozët ta kenë pranuar emrin tim"
Është një nga mbrëm jet pozitive të Interit të parë të Spaletit, edhe pse në Romë, pavarësisht fitores, iu desh të bënte llogaritë me paraqitjen e parë negative të epokës së tij zikaltër. Por për Milan Shkrinjar, është koha për të bërë një bilanc të parë për objektivat sezonalë. "Jam i kënaqur", thotë sllovaku për startin e sezonit personal me fanellën e Interit, gjatë një interviste për "Premium Sport". "Jam ndjerë shumë mirë me shokët e rinj të skuadrës. Duhet të vazhdoj të luaj kështu, si tek Interi, ashtu edhe në kombëtare". Ishqendërmbrojtësi shtoi më tej: "Përfshirja ime e shpejtë me skuadrën e re? Ndoshta ishte më e lehtë për shkak të shokëve, të cilët më kanë ndihmuar shumë. Thonë se pas jemi me pikatore, por ne jemi tre qendërmbrojtës dhe përveç meje dhe Mirandës, është edhe Ranokia, i cili mund të luajë fare mirë titullar". Skuadra e Spaletit funksionon dhe është edhe një skuadër e bukur për t'u parë në kampionat: "E kemi nisur shumë mirë kundër Fiorentinës dhe Romës, por duhet të vazhdojmë kështu edhe pas pushimeve të ndeshjeve ndërkombëtare. Objektivi është të kthehemi në Ligën e Kampioneve: mjafton që të luftojmë ndeshje pas ndeshjeje, pastaj të shohim se çfarë do të ndodhë. Kam folur me Hamshikun, por jo në lidhje me temat e kampionatit". Në fund edhe një përgjigje për polemikat e tifozëve për emrin e tij: "Shpresoj që tani të jetë gjithçka në rregull".
KOMBËTARJA - Por dy ndeshjet e shkëlqyera të futbollistit 22-vjeçar me Interin, nuk
janë të izoluara vetëm në Serinë A. Talenti sllovak, pavarësisht moshës së tij të re, është një lider edhe në mbrojtjen e kombëtares së tij. Përfaqësuesja sllovake mundi 1-0 Slloveninë dhe tashmë është vetëm dy pikë larg Anglisë në grupin kualifikues të Botërorit "Rusi
2018". Shkrinjar drejtoi repartin e prapavijës: i saktë dhe i kujdesshëm në markim, madje kërkoi edhe organizimin e lojës nga mbrojtja. Pas shumë vitesh, Interi duket se ka gjetur mbrojtësin me identikitin për t'u shndërruar në një kampion të vërtetë.