"Baby Inter", Spaleti ul moshën e skuadrës
Mesatarja e moshës thotë 23, jo keq. Ka vendosur një kufi Interi për merkaton e kësaj vere. Bën përjashtim Borha Valero, i cili për raportin cilësimoshë ishte një rast për të mos u humbur. Për të tjerat, Luçano Spaleti do të ketë në dispozicion një grup plot energji. Të rinj dhe të huaj, orientimi i merkatos së një skuadre që ka arritur të korrë disa fitore me peshë në kampionat. Duke analizuar 7 blerjet (edhe operacione për të ardhmen si Bastoni, një talent që do të qëndrojë edhe për dy vite tek Atalanta), Interi ka nisur të blejë duke konsideruar faktorin moshë, siç nuk ndodhte që nga koha e "tripletës". OPTIMIZËM - I vetmi bast është i ardhuri i fundit, Karamoh: nga të tjerët, edhe kush nuk ka eksperiencë në kampionatin italian, zotëron njëfarë njohurie ndërkombëtare. Duke punuar me kujdes përpara përdorimit, Spaleti do të mund të përfitojë grupin e duhur për të shërbyer në një sezon të mbushur me shpresa. Optimizmi është në maksimum (i njëjti mendim i Piero Auzilios të enjten në mbrëmje, kur ka komentuar merkaton), me Interin që ka korrur rezultate pozitive që në muajt e verës, e duke vazhduar në dy ndeshjet e fillimit të Serisë A. E gjitha për t'u mbyllur gojën atyre që murmurisnin për të pasur në Milano një "top player", ndoshta për të synuar menjëherë te titulli kampion. Por rritja do të jetë graduale, e një Interi që 12 muaj më parë kishte një mesatare të grupit prej 26 vitesh, tre më shumë se tani, në proces të bilancit të blerjeve. 25 lojtarët e dy sezoneve të fundit kanë zbritur mesataren e vitit 2013, rreth moshës 28 vjeç. Në vitin 2012 po ashtu, pranë moshës 30- vjeçare Kasano dhe Palasio sapo kishin firmosur, por duke përjashtuar pagën e Rokit (35 vjeç) i marrë në janar në situatë emergjence. Ndoshta ishte një situatë që nuk ishte e parashikuar, duke parë edhe prezencën në stol të të riut Stramaçoni.
KARAMOH - Duke kaluar tek e tashmja, Jan Karamoh (afrimi i fundit) ka kryer stërvitjen e tij të parë. Pak ditë pas zyrtarizimit prej ardhjes nga Kaeni, 19-vjeçari nga Bregu i Fildishtë do të punojë për t'u integruar me modulin 4- 2- 3- 1, moduli klasik i Interit: etiketimin "Mbape i ri" të marrë nga Franca (vendi ku është rritur), do duhet ta fitojë me kohën.