Milan, katër emra për janarin, përforcime në mesfushë e sulm

Kuqezinjtë, gati lista për merkaton e 2018-ës

Merkatoja e Milanit u mbyll me një shpenzim prej 220 milionë eurosh të shpenzuara për 11 afrime dhe 58 milionë eurosh të arkëtuara për po 11 largime. Me afatin e transferimeve të mbyllur prej 72 orësh, drejtuesit kuqezi vazhdojnë të monitorojnë disa lojtarë.

Anvar El Gazi, i transferuar te Lila para disa javësh si lojtar i lirë, anësori i sulmit i formuar në akademinë e Ajaksit, mund të jetë një afrim në merkaton e janarit. Përcaktuese për fatin e 22- vjeçarit do të jetë ecuria e Milanit dhe nevojat e Montelës në fazën sulmuese, ku përveç Susos, nuk ka asnjë lojtar krahu natyral.

Alfred Dankan ishte një ide për mesfushën, por mbipopullimi në qendër bëri që bisedimet mes Sasuolos dhe Milanit të qëndronin pezull. Deri në janar produkti i të rinjve tek Interi do të duhet të zhvillojë një seri ndeshjesh cilësore për të tërhequr rishtazi vëmendjen e "Djallit". Rafael Alkantara, i njohur si Rafinja, ishte një projekt konkret për mesfushën kuqezi. I vlerësuar 30 milionë euro nga Barcelona, lojtari ishte seriozisht pranë Milanit, por kostoja e kartonit ishte një nga problemet kryesore të mosarritjes së akordit. Në rast nevoje, Fasone nuk do ta ketë problem një tjetër ofensivë në janar

për vëllain e Alkantarës. Jakub Jankto ishte një ide e lindur në javën e fundit të merkatos së Milanit, sidomos kur Niang ishte pranë firmës me Torinon. I kërkuar nga Juventusi, por edhe nga klubet angleze, çeku mund të jetë goditja e vërtetë në ditët e para të 2018-ës.