Strakosha magjik, eklipsoneklipson DibalënDibalën dhedhe i i jepjep njënjë dorëdorë HysajtHysajt
Pas Berishës, një tjetër portier shqiptar ndali Dibalën
EdheEdhe BerishaBerisha i i pritipriti penallti,penallti, Alegri:Alegri: NukNuk gjuangjuan më kundër shqiptarëve NapoliNapoli thyenthyen Romën meme Insinjen,Insinjen, tanitani shkonshkon +5+5 nganga JuvjaJuvja
Lacio dhe Thomas Strakosha i japin fund serisë prej 57 rezultatesh pozitive te Juventusi, që nuk njihte humbje në stadiumin e tij që prej gushtit të 2015- ës kur humbiste me Udinezen. Ishte portieri shqiptar heroi i ndeshjes së mbrëmshme kur në minutën e gjashtë shtesë, pavarësisht se ishin akorduar vetëm katër, i mohoi Paulo Dibalës shijen e golit dhe bardhezinjve mundësinë e të paktën një pike. Duhet thënë se gardianët e kombëtares sonë po kthehen në një makth të vërtetë për fenomenin 150 milionë eurosh të Juventusit. Edhe në javën paraardhëse të kampionatit italian, ishte Etrit Berisha që ndali Dibalën. Pesë minutat nga fundi, portieri i Atalantës ndali numrin 10 bardhezi që me sa duket nuk po gjen më paqe përballë shqiptarëve. Nëse është e vërtetë që dy prova përbëjnë një fakt, bardhezinjtë duket se i pret një kampionat më i vështirë se në gjashtë vitet e fundit. Me pritjet e tyre, Berisha fillimisht dhe Strakosha mbrëmë i japin asistet e radhës Elseid Hysajt, i cili me Napolin duket se është më afër se kurrë titullit kampion në Itali këtë vit. Juventusi kaloi në avantazh në minutën e 23-të falë Duglas Kostës që nuk gaboi përballë Strakoshës, që duhet thënë se ishte i pafajshëm në pësimin e rrjetës së avantazhit bardhezi. Sinjalet e protagonizmit të portierit lacial u panë që në minutën e 36të kur ai realizoi një superpritje ndaj Khedirës. Pikërisht nga ajo pritje nisi dhe kryengritja e Lacios që gjeti golin e barazimit me Imobilen. Edhe në pjesën e dytë ishte 22-vjeçari shqiptar që mbajti në lojë Lacion, duke i mohuar golin e dytë Higuainit që ndoshta mund të dërgonte përsëri rrjedhën e sfidës në favor të "Zonjës". Bardhekaltrit kapitalizojnë mbrëmjen fantastike
të portierit të tyre, duke fituar edhe një 11-metërsh të transformuar përsëri në gol nga Imobile. Juventusi provon të paktën të barazojë, por muri bardhekaltër ndal çdo aksion që rrezikon rezultatin. Me arbitrin që akordon katër minuta shtesë, duket sikur sfida do të mbyllet me fitoren e miqve, por një faull
në zonë i Patrik dhe ndërhyrja e teknologjisë akordojnë një penallti për Juventusin. Dibala merr përsipër përgjegjësinë, por Strakosha vendos t'i mbyllë portën në fytyrë argjentinasit. Maxoleni vërshëllen fundin e takimit me portierin shqiptar që më në fund mund të shijojë fitoren. Ndoshta barazimi
do të kishte qenë i pamerituar, por Inzagi duhet t'i shpjegojë skuadrës që nuk ka përse t'u vërë kufij objektivave. Me një fund takimi të mbushur me emocione, Lacio mund kështu Juventusin, ndërsa portieri shqiptar realizon ëndrrën duke triumfuar ndaj idhullit Bufon.