Heroi Sadiku: Me Roshin e Grezdën shënoj më lehtë

Sulmuesi futet në listën e goleadorëve më të mirë kuqezinj

Armando Sadiku ishte heroi i Kombëtares kuqezi në ndeshjen e djeshme duke arritur të shënojë një dygolësh të artë, çka ka konfirmuar edhe njëherë tjetër momentin e mirë që po kalon. Në një prononcim të shkurtër për TVSH- në pas ndeshjes, Sadiku është shprehur: "Besimi nuk më mungon në asnjë ndeshje. Gjithmonë kur futem para ndeshjes, mendoj se do shënoj. E përgatis ndeshjen në mënyrën time". Ndërkohë, ai ka falënderuar edhe Odise Roshin për pasimet që i ka dhënë duke theksuar se me mesfushorin kuptohet shumë mirë si brenda, ashtu edhe jashtë fushe. "Mes nesh sulmi funksionon, kam miqësi të mirë edhe jashtë fushe. Ia dimë kualitetin njëri- tjetrit. Ai mund ta driblojë gjithmonë mbrojtësin që e ndjek dhe unë gjithmonë e shoh sepse e di që do më pasojë. Kemi lojtarë driblues në kombëtare, si Roshi e Grezda, që ma bëjnë të lehtë të shënoj", ka përfunduar sulmuesi kuqezi, që luan në kampionatin polak të futbollit te Legia e Varshavës, ku gjithashtu po bën një paraqitje të mirë.

Rekordi - Me dy golat e shënuar dje, Armando Sadiku është shumë pranë thyerjes së

rekordit si lojtari që ka arritur të grumbullojë numrin më të madh të golave me fanellën kuqezi. Aktualisht, sulmuesi elbasanas ka shkuar në 11 gola, po aq sa ka edhe Hamdi Salihi e Altin Rraklli. I pari vazhdon të jetë në aktivitet, por nuk është pjesë e Kombëtares. Ndërkohë, që Sadiku ka arri-

tur të kalojë Igli Taren që është në kuotën e 10 golave me fanellën e Kombëtares si dhe Sokol Kushtën. Por, duke parë moshën e Sadikut relativisht të re dhe duke parë ecurinë e tij në ekipin Kombëtar, gjasat janë që në të ardhmen ai të kthehet në golashënuesin më të mirë me fanellën kuqezi.