Hakmarrja, Juvja do Romanjolin
Së bashku me Ruganin dhe Kaldarën, bardhezinjtë krijojnë bazat e "BBC"-së së re
Pak muaj më parë Ju ventusi pa t'i "zh vatej" një nga lojtarët kyç të sukseseve të viteve të fundit si Leonardo Bonuçi. Pikërisht mbrojtësi u transferua te Milani për 42 milionë euro dhe u emërua kapiten i skuadrës që këtë fillimsezoni po has kaq shumë vështirësi.
Objektivi - Me sa duket drejtuesit bardhezi nuk e kanë gëlltitur kafshatën dhe po mendojnë të hakmerren duke i rrëmbyer kuqezinjve Alesio Romanjolin. Sigurisht ky transferim do të ishte i mundur vetëm në fund të sezonit e sidomos nëse Milani do të dështonte renditjen në të paktën katër vendet e para në kampionat. Dy xhevahirët e Milanit janë Xhanluxhi Donaruma dhe Suso, por në rast të një ofertë rreth 25-30 milionë euro, Romanjoli mund të ishte "kurbani" i parë i drejtuesve të "Djallit".
E ardhmja - Ashtu si në rastin e Bonuçit, tashmë është "Zonja" që konsideron milanistin si një nga më të mirët në rolin e tij. Nëse bardhezinjtë e kryejnë me sukses këtë mision, atëherë Alegri do të kishte treshen titullare me të rinjtë më premtues në Itali. Të mos harrojmë se sezonin e ardhshëm Marota do të risjellë në Torino edhe Matia Kaldarën, i cili së bashku më Daniele Ruganin dhe një si Romanjoli do të përbënin prapavijën më cilësore të mundshme për të paktën 5 vitet e ardhshme.
"BBC" e re - Largimi i Bonuçit prish "BBC"-në e famshme, bazë e sukseseve të Juves në vitet e fundit. Afrimi i një të riu premtues si Romanjoli do
të ndihmonte krijimin e një baze të re për të ardhmen bardhezi. Një mbrojtës qendre do të vijë pa diskutim verën e ardhshme në Torino, me drejtuesi që duhet vetëm të vendosin kush do të fitojë balotazhin mes një emri të "vjetër" si Stefan De Vrij dhe të "risisë" Romanjoli.