Draksler: Nejmar gëzon disa privilegje
"Fizioterapistë personalë, çanta të personalizuara, ekskluzivitet penalltish dhe mundësi për t'i zgjedhur vetë sponsorët". Këto ishin disa nga privilegjet që "Le Parisien" zbuloi se gëzonte Nejmari në "Parc des Princes" duke shkaktuar xhelozi tek yjet e tjerë të PSG-së. Një gjë të tillë e konfirmon edhe mesfushori i PSGsë, Julian Draksler: "Pati një histori me penalltinë me Kavanin, e cila u zgjidh pas 1 apo 2 ditësh. Por, u fol 4-5 javë. Mendoj se kjo është pjesë e jetës së një superylli si Nejmari. Për këtë arsye ai gëzon disa privilegje. Ndoshta ai i ka kërkuar ato, nuk e di. Megjithatë, ai ka të drejtë ta bëjë. Lojtarët e tjerë nuk janë xhelozë apo të zemëruar për këtë".