Bilja, dje stërvitja e parë në grup
Dita e djeshme, në qendrën sportive "Milanello", përtej zhvillimit të stërvitjes së dyfishtë nga skuadra kuqezi, mjeku Maconi ka qartësuar edhe gjendjen e të dëmtuarve, në veçanti situatat e katër lojtarëve: Bilja, Kalabria, Storari dhe Konti. Lidhur me të parin është njoftuar rikthimi i tij në stërvitje (të personalizuar) me grupin gjatë pasdites. Për mikrofonat e "MilanTV", lidhur me futbollistët e tjerë në infermieri, doktor Maconi komentoi: "Kalabria? Po përmirësohet ndjeshëm, por është ende shumë herët për të thënë se kur do rikthehet në gatishmëri. Momentalisht nuk ka nisur të vrapojë". Për Storarin: "Po riaftësohet nga dëmtimi në shpinë, sot (dje) nuk doli në stërvitje". Për Kontin: "Ka nisur vrapime të lehta. Pas dy ditësh (nesër) bëhen dy muaj nga operacioni. Jemi të kënaqur se si ka reaguar gjuri, por është herët për të thënë nëse do ndryshojë prognoza".