Vllaznia, një ditë pushim dhe “blerje” brenda shtëpisë
Afrohet nga ekipi “B” mbrojtësi Samet Ruqi
Ndryshe nga javët e tjera stërvitore, ekipi i Vllaznisë këtë javë ka preferuar që këtë të mërkurë të bëjë pushim. Pas dhjetë ditësh lodhje, futbollistët e Vllaznisë dje patën lejen të pushonin. Fakti që nuk do të luhet ndeshja e planifikuar me Lushnjën (e cila u shty për javën tjetër), i ka dhënë mundësinë trajnerit Gjoka që t'i lërë të paktën një ditë pushim lojtarët e tij. Sot pritet të jetë atmosferë ndryshe, sepse futbollistët janë dukur të kënaqur për këtë vendim të stafit. Nga sot nis puna për ndeshjen me një ballafaqim shumë të rëndësishëm në të cilin duhen marrë patjetër pikë, ashtu siç bënë edhe durrsakët në fazën e parë të kampionatit kur fituan brenda në Shkodër me rezultatin 1-0 me golin e Çyrbjes. Megjithatë, takimet me Teutën, sidomos në Durrës, kanë qenë përherë të vështira për shkodranët.
SAMET RUQI - Samet Ruqi është një tjetër futbollist që i është bashkuar ekipit të parë nga skuadra e "Vllaznisë B". Menjëherë pas ndeshjes së kontrollit që ekipi i parë i Vllaznisë ka zhvilluar me ekipin e "Vllaznisë B" duket se ka filluar të japë efektin e vet. Ruqi është
SAMET RUQI
vënë në dispozicion të trajnerit Gjoka. Ka qenë ky i fundit që "e ka pikasur" për lojën e zhvilluar dhe, për këtë arsye, ka vendosur ta shohë më nga afër në ekipin e parë. Mbrojtësi 22vjeçar është një nga pikat më të forta të "Vllaznisë B" dhe trajneri Ervis Kraja shpeshherë ka ngritur zërin duke thënë se ky lojtar e meriton të jetë pjesë e ekipit të parë.
RIKUPERIMET - Këto ditë ndërprerje dhe moszhvillimi i takimit me Lushnjën në këtë mesjavë ka pasur pa dyshim edhe anën e saj pozitive. Nga sa mësohet, të tre lojtarët që mund të rrezikonin përballjen me Lushnjën, nëse ajo do të luhej dje, Ardit Krymi, Olsi Gocaj e Florind Bardulla po shkojnë drejt rikuperimit. Kjo është tejet pozitive për trajnerin Gjoka, pasi do të ketë një grup më të plotë lojtarësh. Admir Uruçi