Kërcënon Luftëtari: Mos guxoni të sillni arbitër kamikaz!

Klubi gjirokastrit hap dyert për tifozët dhe kërkon masivitet ndaj Laçit

Klubi i Luftëtarit ka vendosur të hapë dyert për tifozët në tribunën D, për ndeshjen e radhës ndaj Laçit, që do të luhet të hënën, në orën 14: 00. Klubi gjirokastrit ka kërkuar mbështetje masive, ndërkohë që ka paralajmëruar FSHF-në që të caktojë një gjyqtar të drejtë. "Tribuna D, falas, Tribuna A dhe B 200 lekë. Nesër (sot) do të bëhet një ndërhyrje në Tribunën D dhe policia nuk do të ketë justifikim që të ndalojë hyrjen e tifozëve. Falas. Merr leje në shkollë, merr leje në punë. Të tregojmë se edhe pse e kanë caktuar ndeshjen ditë pune e shkollë dhe nuk do ta realizojnë qëllimin për të na hedhur nga kategoria. Njofto shokët për padrejtësinë që po bëhet.

FSHF, Luftëtari dhe stadiumi ' Gjirokastra' ka duartrokitur kundërshtarin edhe kur ka humbur. E tillë është kultura. FSHF, Luftëtarit mund t'i vendosësh edhe mijëra gjoba, ta caktoni ndeshjen në 7 të mëngjesit e të bëni çfarë të doni, por këtë javë mos guxoni të dërgoni arbitër tendencioz, kamikaz, të pakontrollueshëm", lexohet në deklaratë.

"Tifozët do jenë aty dhe më të vëmendshëm se kurrë. Mund të sulmoni një klub, por mendoni se mundet një grup matrapazësh të shkelin me arrogancë një qytet historik. Të shohim! Ditën e hënë, ora 14: 00!"

Deklarata për tifozët - K. F Luftëtari, pas shoqërimit në komisariat të 5 tifozëve të skuadrës sonë, deklaron me forcë se tifozët duhet të mos përballen me asnjë pasojë në lidhje me atë çka ndodhi në përfundim të takimit Luftëtari-Teuta. Me ane të kësaj de- klarate, Luftëtari bën me dije se në çdo hap do të mbështesë tifozët e tij. Në asnjë çast ne nuk jemi pro dhunës, por ajo që ndodhi të mërkurën në Gjirokastër provokoi një reagim që nuk është parë kurrë në qytet. Blerim Ziri dhe shpura e tij sajuan atë arbitrim që provokoi një qytet të tërë. Luftëtari bën me dije se ka gati një dosje lidhur me veprimet e arbitrit Ziri, që bëri arbitrim të qëllimshëm, të hetohet një ditë para dhe ditën e ndeshjes ky person. Dosja tashmë do të depozitohet në prokurori me shpresën se do t'u thuhet mjaft "kadinjve" të tipit Blerim Ziri dhe zyrtarëve që i mbështesin ata. Tomor Shehu