Peroti dhe Naingolan fitore force për Romën, Lacio reagon vonë
Nga një penallti për skuadër dhe shumë tension në derbi
Derbi përfundon 2-1 në favor të Romës që i falet një penalltie të Diego Perotit dhe një të djathte kirurgjikale të Raxha Naingolan, i cili edhe mund të mos e luante për shkak të një dëmtimi. Verdhekuqtë fitojnë dhe parakalojnë Lacion në renditje duke krijuar kështu klimën idealë për të përgatitur transfertën e Champions-it në Madrid ndaj Atletikos. Përveç yjeve të tij, Di Françeskos i erdhi në ndihmë edhe paraqitja e turpshme e rivalit Bastos.
LUFTË NË MES - Pak minuta përpara takimit, Naingolan jep "OK" dhe zbret në fushë titullar. Kur nuk kanë kaluar ende 120 sekonda, Imbolie shënon, por golit i tij anulohet, me të drejtë, pas një pozicioni jashtë loje. Peroti dhe Naingolan ende pa gjetur rrugën e golit, ishin ndër më të mirët në fushë, ndërsa nga bardhekaltrit vetëm Luis Alberto duket në një ditë të mirë. I vëmendshëm Strakosha në dy momente gjatë pjesë së parë, kur fillimisht ndal Xhekon e më pas devijon në këndore një tentativë të Kolarov. Lacio e pjesëS së parë është e gjitha në dy goditje të Marusiçit dhe Imbolies, të cilat nuk vënë në vështirësi Alison. FAKTORËT - Aktivizimi i belgut nga minuta e parë ishte në dyshim për shkak të një dëmtimit
gjatë grumbullimit me kombëtaren, por mesfushori shtrëngoi dhëmbët dhe rezultoi "armë vdekjeprurëse". Edhe argjentinasi, si gjithnjë i akullt nga pika e bardhë, priti lëvizjen e Strakoshës përpara se të godiste. Portieri shqiptar kuptoi krahun, por nuk arriti të evitonte golin. Lacio reagoi
më një ndërrim të dyfishtë, ku Nani dhe Lukaku zunë vendet e Leivas dhe Luliç. Freskia e dy të rinjve, por edhe teknologjia i dha një dorë të madhe Lacios, teksa Roki pa nëpërmjet VAR-it një prekje të topit me dorë në zonë, nga ana e Manolas. Per Imobilen ngushton distancën, por
ajo nuk do të ndryshojë as pas gjashtë minutave shtesë me Romën që shijon tri pikë shumë të rënda, të cilat e i japin vendin e tretë. Më humbjen e djeshme te Lacio, shohin gjithashtu t'u ndërpritet një seri pozitive prej dhjete ndeshjesh të fituara mes kampionatit dhe
Ligës së Europës. Nga ana e tyre verdhekuqtë shijojnë parakalimin në dëm të kushërinjve dhe presin sot rezultatet e Juventusit dhe Interit, pa harruar që kanë edhe një ndeshje për të rikuperuar ndaj Sampdorias, ashtu si edhe Lacios që ka gjithashtu një ndeshje më pak.