Çyrbja hero, Teuta fundos Vllazninë
Skuadra e Maganit merr një fitore që e ngjit në renditje
Teuta nuk fal në shtë pi duke siguruar fi toren e dytë në harkun kohor të katër ditëve, çka bën që skuadra e Maganit të rifitojë një vend në tabelën e klasifikimit duke lënë pas momentalisht Partizanin. Përballë një Vllaznie apatike në fushën e lojës dhe pa shumë ide, për durrsakët ka vendosur një gol i Çyrbjes i shënuar në fillimin e takimit, ndërsa pjesa tjetër e ndeshjes është luajtur kryesisht në mesfushë dhe me pak raste shënimi. Kuqeblutë e kanë pasur shumë të vështirë që të gjejnë hapësira në mbrojtjen vendëse dhe ato pak raste që u janë dhënë për shënim, nuk kanë mundur që t'i finalizojnë. Pas kësaj humbjeje, skuadra e Gjokës ndërlikon pozitat e saj në klasifikim duke qëndruar në vendin e parafundit.
PJESA E PARË - Durrsakët janë të parët që e nisin takimin në sulm, por nuk e kanë të lehtë që të krijojnë raste të pastra shënimin. Gjuajtjet e Dediç dhe Hilës nga distanca nuk janë të sakta. Vllaznia, nga ana tjetër, është në pozicion pritës dhe mundohet të dalë me shpejtësi në kundërsulm, por nuk e gjen asnjëherë të papërgatitur mbrojtjen durrsake, e cila arrin të mbyllë mirë hapësirat duke mos i dhënë mundësi Atsinës që të rrezikojë. Loja zhvendoset në mesfushë, por goli nuk do të vonojë. Në minutën e 15-të të takimit, një krosim i gjatë dhe pa shumë pretendime arrin të gjëje Çyrbjen në vijën e parë të sulmit. Mbrojtësi mik, Marku, në pozicion të vështirë mundohet të largojë topin nga këmbët e zv/ kapitenit të Teutës, por nuk ia del, pasi sfera përplaset në trupin e tij. Çyrbja del i vetëm përballë Selimajt dhe me një gjuajtje të saktë nuk e ka të vështirë ta ndalë topin në rrjetë. Avantazhi i jep qetësi Teutës dhe reagimi i Vllaznisë nuk vonon. Pesë minuta më vonë është Hasani që jep një asist për Çinarin duke gjetur të papërgatitur mbrojtjen vendëse. Por, futbollisti shkodran, edhe pse përballë portierit Kastrati, gjuan keq dhe topi kalon ngjitur me shtyllën pingule. Pas këtij momenti, Teuta ul ritmin e lojës dhe mundohet të mbajë larg portës së saj shkodranët, për t'i ndëshkuar ata me dalje të shpejtë, por nuk ia del.
PJESA E DYTË - Vllaznia nuk pajtohet me disavantazhin dhe lëshon sinjalet e para se durrsakët nuk do ta kenë të lehtë në këtë fraksion të dytë të ndeshjes. Orelesi në të 47- ën lëshon një vertikalizim për Atsinin që arrin të kontrollojë topin brenda
zonës së Teutës dhe gjuan fort, por nuk është i saktë. Ka frymëmarrje të Teuta, ndërsa Gjoka nuk u beson syve me atë që ka humbur sulmuesi i skuadrës së tij. Minutat që do të pasojnë do të lihen kryesisht në mesfushë dhe rastet e pastra për
shënim do të jenë me "pikatore". Presioni te skuadra kuqeblu ka nisur të ndihet dhe goditjet e Atinsës e Çinarit nuk janë të sakta. Ndërsa Teuta, në minutat e fundit, mendon më shumë për fazën mbrojtëse sesa për të shënuar golin e sigurisë.