Ilir Gjyla: Humbja si institucion, Lushnja më tremb
“Ekipin e drejtojnë nga jashtë, askush s'mban përgjegjësi”
Ish-trajneri i Lushnjës, Ilir Gjyla, në një interv istë për gazetën "Panorama Sport" mban qëndrim kritik për mungesën e rezultateve te Lushnja. Ai thotë se klubi verdhejeshil po institucionalizohet me humbjen duke shfaqur mungesë përgjegjësie. Trajneri i njohur ka folur për gjithçka në futbollin verdhejeshil, për mungesën e terreneve stërvitore, të pikëve, të tifozëve, si dhe për organizimin, duke kërkuar më shumë impenjim për të bërë më shumë në këtë fundvit.
Profesor, pesë pikë në 12 ndeshje. Lushnja nuk ka qenë asnjëherë kaq dobët sa i përket rezultatit sportiv. Pse kjo ecuri?
Kam pasur bindjen se u duhet lënë kohë trajnerëve të punojnë. Ishte e vështirë që në fillim të kampionatit të mund të përcaktoje nëse Lushnja ishte në rregull. Kishin bërë ndeshje miqësore me ekipe të dobëta dhe nuk ishte kolauduar asokohe... Mendoj se edhe trajneri tjetër ka patur kohën e duhur për të treguar diçka. Pikërisht, kjo më tremb edhe mua: rezultatet e dobëta. Mbi të gjitha më tremb që humbja në Lushnjë është institucionalizuar. Asnjë nuk merr përgjegjësi për humbjet. Ka disa vite rresht. Me përjashtim të kampionatit të kaluar që ishte për t'u përgëzuar. Kujtoj sezonin e fundit në Superiore. U luajt deri në janar dhe pastaj shkuam në 17 humbje. Humbëm të gjithë fazën e tretë të kampionatit. Kjo është frika ime. Të institucionalizohet humbja, do të thotë të pajtohemi me humbjen.
Lushnja është një ekip i Bashkisë në Superiore përballë superklubeve me buxhete shumë të larta...
E çfarë pastaj se është ekip Bashkie...?! Çfarë rëndësie ka nëse është ekip Bashkie apo jo? Edhe unë jam i mendimit që duhet të ketë president, por kryetari i Bashkisë, president është. Nuk kam dëgjuar të jetë ankuar ndonjë futbollist apo trajner për financat. Përkundrazi kanë thënë të kundërtën duke përdorur fjalën "korrektësi". E çfarë po na duhet është ekip Bashkie apo ekip Komune...? Mendoj se duhen marrë përgjegjësi për humbjet. Dakord, trajneri që filloi sezonin dha dorëheqjen. E drejta e tij dhe patjetër e ndikuar nga rezultatet. Vijmë tani në një moment tjetër që nuk merr njeri përgjegjësi për humbjet.
Pse skuadra e Lushnjës nuk po del te rezultati? Nuk ka nivelin e Superiores! Cili është mendimi juaj?
Mendoj që skuadra ka cilësi dhe nivelin e Superiores. Mund të jetë thënie e guximshme, por unë mendoj që i ka. Besoj se nuk është gjetur harmonia brenda reparteve. Nuk ka pasur harmoni në skuadër. Nuk mund të kesh harmoni në reparte, në lojë, gjithmonë flas, kur nuk ke harmoni në skuadër. Nëse skuadra ka një grup këtu dhe një grup atje, "njëri i bie gozhdës dhe tjetri patkoit", atëherë nuk do të ketë harmoni as në lojë. Pra, nuk ka pasur një ndërthurje të reparteve. Në gjuhën popullore "është prishur shtëpia, është bërë kasolle". Futbollistët që kanë luajtur majtas, kanë kaluar djathtas dhe anasjelltas.
Mendoni se skuadra ka pasur probleme fizike?
Jo, absolutisht. Nuk mendoj se skuadra ka pasur probleme fizike. Një detaj që e kundërshton këtë është fitorja me Teutën në minutën e
Si e shikoni Lushnjën për nga organizimi?
Për mua, Lushnja ka një organizim të shkëlqyer. Ka një drejtor administrativ, ka një drejtor teknik, ka dhe sekretarin e klubit. Të zgjedhur nga asambleja, të zgjedhur nga bordi siç e ka ligji. Por dikush tjetër e ka marrë drejtimin e futbollit, që është jashtë institucionit të futbollit. Duhet të merren masa. Është një menaxher që ka vendosur kryetari i Bashkisë, që në fillim tha se do të merren masa, do të ndëshkohen trajnerët. Tani unë nuk po dëgjoj më. Ndërkohë që ekipi po humbet javë pas jave.
Si e vlerësoni lojën?
Për mua Lushnja nuk ka shkuar ndonjëherë në sulm si rezultat i një kombinimi, vertikalizimi. Është luajtur më shumë apriori. Është luajtur njësoj si në Kategorinë e Parë. Por nuk mund të fitosh dot po nuk luajte futboll. Unë mendoj se duhet punuar shtruar duke vendosur pikat mbi "i". Unë them që
Personalisht, nuk do ta bëja këtë. Për çfarë duhet bërë stërvitje në fushën e stadiumit, kur ekipi po humb. Edhe pikë nuk po merr, edhe në stadium të bëjë stërvitje. Pse? Për çfarë? Fushën e stadiumit po e prishim. E dini se për sa vjet do ta ndërrojë Lushnja fushën? Për 7-8 vjet. Edhe nëse del nga Kategoria nuk do ta ketë mendjen njeri aty. Kështu që të mos justifikohemi sot.
Dhe është ngritur me të madhe problemi i fushës…
Unë habitem pse është ngritur me të madhe problemi i fushës. Në këto anekse kanë punuar edhe këta trajnerë që janë sot, që kanë dalë futbollistë të shkëlqyer dhe trajnerë të shkëlqyer. Nuk kemi dy muaj që kemi këto fusha për stërvitje, por kemi 20 vjet.
Edhe stadiumi "Roza Haxhiu" po rri bosh. Për Lushnjën është diçka e pazakontë në Superiore!
Lushnjën e përgëzon gjithë Shqipëria për tifozët që ka. Por, për çfarë do vijë tifozi në stadium kur ekipi mundet 12 javë rresht...? Pse në javën e parë në Fier kishim publik dhe pastaj erdhi duke u zbehur. Ta gjejmë te vetja.