Barcelona nuk gabon, shtyn në +8 pikë Realin

Vendësit e mbyllin me 10 lojtarë, Buskets rrezikon “Klasiken”

Vendësit vinin në këtë takim me vetëm një pikë në tri ndeshjet e fundit në kampionat dhe Barça nuk u lejon fitoren prej 16 ndeshjesh radhazi (seria më negative e Vijarealit se ndaj kujtdo skuadre tjetër). Valencia, me fitoren e ditës së shtunë, arriti të ngushtonte në dy pikë diferencën ndaj katalanasve që, megjithatë, me 3 pikët e djeshme e rikthyen avantazhin në +5 pikë. Ndërkaq, Ernesto Valverde mendoi rrotacionin pas suksesit në mesjavë ndaj Sportingut të Lisbonës në Ligën e Kampionëve ( gjithsej gjashtë lojtarë të ndërruar).

VRULL I VIJAREALIT - Siç pritej, Barça është superiore në kontrollin e topit dhe rasti i parë i rrezikshëm vjen që në minutën e katërt: pas një goditjeje këndi të fituar nga Mesi, Gerard Pike tenton portën me kokë, por topi përfundon në traversë. Vijareali përpiqet të kundërpërgjigjet vetëm përmes kundërsulmit dhe vetëm tri minuta më vonë vënë në provë Ter Shtegenin: goditje me kokë e Rabas, por shumë e lehtë për të befasuar gardianin gjerman. Pavarësisht se zotërimi i topit në këtë fraksion qëndron mbi 70% në favor, miqtë nuk mundën të bënin shumë me topin. Vijareali mbron mirë dhe niset rrezikshëm përpara. Pjesa e parë është e mbushur me raste për gol, përgjithësisht në favor të vendësve dhe Ter Shtegen thërritet shpesh në detyrë (pritjet vendimtare, pas tentativave të Sorianos e Radas,

e bëjnë më të mirin e pjesës së parë), por përfundon me rrjeta të paprekura.

TË VERDHËT ME DHJETË - Sfida pëson një kthesë në minutën e 60-të, kur Daniel Rada përjashtohet nga fusha me karton të kuq pas një ndërhyrjeje të rëndë. Barcelona nis

të shtojë ritmin në kërkim të golit të avantazhit që vjen në minutën e 72-të: Suarez, i cili fillimisht godet edhe shtyllën e Asenjos, dërgon topin në rrjetë pas një kombinimi të bukur me Mesin e Pako Alkaserin. Vijareali humbet plotësisht kontrollin dhe dhjetë

minuta më vonë është vetë "pleshti" që shënon golin e dytë për katalanasit, i shërbyer nga Buskets (që, me këtë karton të verdhë, i katërti në total, rrezikon të humbasë "El Classico"-n e javës që vjen). Ndeshja përfundon 0- 2: tri pikë jetësore për Barcelonën.