Shfryn Spaleti: ‘Pusetat’, bosh edhe këtë javë...
Luçiano: Po shoh dëshpërim për humbjen që vonon...
Luçiano Spaleti është rikthyer të flasë, si shpeshherë këto kohë, përmes profilit të tij "Instagram". Dhe mesazhi, këtë radhë, është më se i qartë. Për djemtë e tij dhe gjithë ambientin, me një "thumbim" që u shkon atyre që ende nuk beson tek Interi i tij: "Shoh shumë fytyra të dëshpëruara për humbjen e parë që nuk po vjen, sikur ta shikonin si një magji për t'u prishur që mjellma të rikthehet në një bretkosë të shëmtuar... E dimë megjithatë që, për tani, përralla është një tjetër... Të gjithë bufat po rikthen në dallëndyshe".
REPLIKA - Askush, në shtëpinë e Interit, nuk flet hapur për titullin, por trajneri tërbohet, me sfidën Juventus-Inter të përfunduar, nëse ndokush nga lojtarët vetëkënaqet dhe nuk mendon t'i fitojë të gjitha ndeshjet. Megjithatë, i bën komplimentet ekipit për daljen "pa plagë" nga "Allianz Stadium", ashtu si nga "Olimpico" ( 1- 3 ndaj Romës) dhe "San Paolo" (0-0 ndaj Napolit). E nuk tërhiqet pas kur i duhet përgjigjur, për herën e dytë në pak ditë, të ftuarit që, në "Juve TV", kishte përdorur fjalë të rënda kundër Interit dhe interistëve: "Pusetat mbetën bosh edhe këtë javë", është deklarata e teknikut.
“#PA U NDALUR” - Nuk ka munguar hashtagu që ka përcjellë gjithë daljet e fundit të teknikut zikaltër në "Instagram". Një mënyrë si një tjetër për të thirrur skuadrën për një tjetër provë pjekurie të dobishme për të hedhur hapin cilësor drejt objektivëve sezonalë. Pas barazimit 0-0 kundër Juventusit, Interi
është rikthyer menjëherë në stërvitje ditën e djeshme në prag të sfidës së vlefshme për Kupën e Italisë kundër Pordenones në "San Siro", e programuar për nesër në mbrëmje. "# Pa U Ndalur", pikërisht siç e kërkon trajneri Spaleti. Puna ka nisur në palestër,
më pas grupi ka kryer një ndeshje kontrolli me skuadrën që u nda mes atyre që u angazhuan ndaj Juves dhe pjesës tjetër (ku me shumë mundësi trajneri do bazohet për të bërë rrotacionin). Në vijim, analizë e videove të "derbit të Italisë".