Cikalleshi, gol “hakmarrjeje”
penallti për minuta, smanlispori i largohet fundit të klasifikimit në Turqi
Ka shumë ndeshje kur arbitri bëhet protagonist me momente të diskutueshme që nuk i akordon saktë. Mirëpo, ka edhe ndeshje kur mjaft të shohësh skedën e rezultatit dhe vihet re protagonisti i kryesorit. E tillë ka qenë edhe sfida e djeshme për ekipin e bomberit të Kombëtares. Sokol Cikalleshi ka shënuar golin e parë të ndeshjes dhe të dytin personal në këtë edicion, ku fati nuk ka qenë shumë pro tij. 3 PENALLTI
Sfida është vendosur që në 45 minutat e para. Osmanlispor ka shkuar në dhomat e zhveshjes në avantazh të trefishtë përballë Alaniasporit. Në të 13-tën minutë ka qenë radha e Sokol Cikalleshit që të ekzekutojë një 11-metërsh. Shqiptari ka qenë i qetë dhe i saktë në ekzekutim, duke e dërguar sferën në rrjetë nga krahu i kundërt i portierit. Shtatë minuta më vonë ka pasur një tjetër penallti dhe këtë herë trajneri ka përzgjedhur tjetër ekzekutues. Cagiran ka shënuar sërish nga pika e bardhë dhe Osmanlispor ka dyfishuar rezultatin. Në të 29-tën, arbitri akordon të tretën penallti. Gurler është i treti i shpërblyer, i cili shënon dhe vulos përfundimisht rezultatin e ndeshjes. SHQIPTARI
Për Cikalleshin, ky ishte i dyti gol personal në këtë sezon, ku për shumë javë ka qenë jashtë fushës së lojës për shkak të dëmtimit të pësuar. Për "Panorama Sport", Cikalleshi tregon ndjesinë për golin e shënuar si dhe për ndeshjet e humbura me Kombëtaren kundër Spanjës dhe Italisë. "Kam qëndruar disa javë jashtë fushave të lojës për shkak të dëmtimit që pësova kur isha në Kombëtare. Nuk ka ndjesi më të keqe për një futbollist sesa të humbasë një ndeshje me fanellën e kombit tënd. E për të mos folur për kundërshtarët që ne kishim në ato dy sfida. Megjithatë, ajo është e shkuar tashmë dhe kam punuar fort dhe me kujdes maksimal për
të rigjetur forcat. Goli? E konsideroj si shpagim për atë që bëj gjatë gjithë kohës në stërvitje dhe më pas gjatë ndeshjes. Megjithatë, sot më gëzon shumë fitorja e skuadrës për vetë pozitat ku ndodhemi. Është një fitore besimi për ne që mund të arrijmë të lëmë pas fillimin e keq të sezonit dhe të ngjitemi sa më shumë në renditje", ka deklaruar bomberi kuqezi.