Kriza te Milani, Gatuzo lë futbollistët pa darkë
Ekipi paguan me regjim kazerme disfatën në erona, Rino nuk toleron askënd
Pas një mbledhjeje në "Casa Milan" me Marko Fasonen dhe Maks Mirabelin, trajneri Gatuzo së bashku me krerët kanë vendosur të anulojnë mbrëmjen e Krishtlindjeve e programuar për dje në darkë me ekipin që është lajmëruar se që nga dita e sotme do të qëndrojë i grumbulluar në "Milanello" deri të shtunën, kur të përballen në kampionat me Atalantën e Etrit Berishës. Rikthimi të humbja dhe mënyra se si u servir disfata në Veronë kanë detyruar Rinon të marrë një vendim që në anët kuqezi të Milanos nuk ishte parë që nga viti i kaluar, kur Sinisha Mihajloviç "ngujonte" skuadrën në qendrën stërvitore.
MEDIAT - Humbja ndaj Veronës ndërseu të gjithë mediat italiane dhe jo vetëm nga shoqërisë kuqezi, e cila pasditen e djeshme reagoi nëpërmjet një komunikate për shtyp ku theksohej se: "Humbja ndaj Veronës ishte pa dyshim një episod i rëndë, i trishtë dhe i papranueshëm. Trajneri, stafi dhe skuadra kanë treguar integritet moral, ndaj e gjykojmë të papranueshme çdo kritikë që mediat bëjnë në lidhje me anën morale të kuqezinjve. Milani ka kërkuar falje për paraqitjen në Verona dhe pranon fare lirshëm çdo kritikë, sado të shum- ta, të ashpra dhe të rënda qofshin ato, por të përmendurit e moralit lë përshtypjen se ka një furi zemërate që kapërcen çdo gjykim teknik apo ushtrim kritikash. Tonet dhe këndvështrimet nuk duhet të humbasin ekuilibrin as përballë një ndeshjeje të shëmtuar si ajo që Milani zhvilloi në Verona: topi mbetet top, dinjiteti është diçka krejt tjetër".
ECURIA - Deklarata vazhdoi duke saktësuar qëndrimin e klubit ndaj fenomeneve të ndryshme mediatike të hasura këtë sezon nga kuqezinjtë. Për më tepër, në deklaratë thuhej: "Për fat, orteku mediatik i stisur në prag të ndeshjes me Bolonjën u gëlltit nga dy fitoret radhazi të realizuara nga trajneri Gatuzo dhe skuadra. Në momentin që Milani gjeti qetësi, edhe pas kësaj çështje u vu re një tjetër sulm për shkak të humbjes në Veronë. Mes kritikave të ashpra dhe të pranueshme, vihet re një vrull gjykimesh që ndikojnë në paqen dhe atmosferën e ekipit. Nuk duam të krijojmë alibi, por mund të ndodhë që në mes të kësaj morie problematikash, reagimi psikologjik i ekipit në fushë të mos jetë në lartasinë e duhur".