Kunati Kunati i i Saimir Tahirit Tahirit telefonon telefonon Finon: Finon: Tiranën Tiranën e ke kundër! kundër!
Alban Berisha i telefonon kandidatit për kreun e FSHF-së: Je për politikë. Nëse Halili e dredh rrugës, do të kërkojmë dorëheqjen e tij!
Kur jemi vetëm 2 ditë larg zgjedhjeve për presidentin e FSHFsë, gara duket tepër e ashpër dhe e paparashikueshme. Fushata e tre kandidatëve për kreun e presidentit të FSHF- së ka rrëmbyer vëmendjen e shumë aktorëve nga bota e futbollit dhe jo vetëm, të cilët kanë pranuar lehtësisht që të pozicionohen qartësisht në lidhje me zgjedhjen e kreut të institucionit të futbollit në vend. Mirëpo, bota sportive dhe ajo politike kanë shpesh ndërthurje mes tyre në vendin tonë. Së fundmi, tifozi i një prej klubeve legjendë në Shqipëri, me lidhje familjare me ishministrin e brendshëm, Sajmir Tahiri, ka kontaktuar në lidhje telefonike me kandidatin për kreun e FSHFsë, Bashkim Fino.
BISEDA - Alban Berisha, kunati i ish- ministrit të brendshëm, Sajmir Tahiri, duke iu prezantuar deputeti Fino si kryetari i tifozëve të Tiranës, ka shprehur hapur qëndrimin e tij në lidhje me kandidimin e deputetit në garën për institucionin e futbollit në vend. Ja biseda telefonike e publikuar mes tyre:
Alban Berisha: Me zotin Fino flas?
Bashkim Fino: Përshëndetje!
Alban Berisha: Me zotin Fino?
Bashkim Fino: Kush je, pra?
Alban Berisha: Alban Berisha, kryetari i tifozëve të Tiranës jam.
Bashkim Fino: Po, si je? Alban Berisha: Mirë jemi, zoti Fino.
Bashkim Fino: Si ke qenë? Alban Berisha: Mirë. Dëgjo, do të them diçka. Nuk e di si do të veprojë presidenti i Tiranës, Refik Halili, por e gjithë tifozëria e Tiranës është kundër jush. Për Zotin!
Bashkim Fino: Kundër meje?
Alban Berisha: Po, patjetër! Edhe nëse ai do të tradhtojë rrugës, për Zotin, do t'i kërkojmë dorëheqjen që të largohet nga ekipi i Tiranës. Unë jam Alban Berisha, jam edhe kunati i Sajmir Tahirit, ta dish.
Bashkim Fino: Kunati i
Tahirit je?
Alban Berisha: Po, ai jam. Jam edhe kryetari i tifozëve. Je për politikë, nuk je për futboll, për Zotin.
Bashkim Fino: Qartë!