PenalltiPenallti sisi Arsenali,Arsenali, Tirana nisnis “arratin딓arratinë” për Superioren
Ankohen beratasit, por bardheblutë i falen... sulmit
Bardheblutë Bardheblutë mposhtin mposhtin Tomorin Tomorin dhe dhe shkojnë shkojnë +4 +4 nga nga Bylisi, Bylisi, që që dje dje e ndali ndali Pogradeci. Pogradeci. Vulos Vulos një një 11-metërsh 11-metërsh i i dhuruar dhuruar nga nga gjyqtari, gjyqtari, Grent Grent Halili Halili imitoi imitoi sulmuesin sulmuesin Dani Dani Uellbek Uellbek
Tirana nis "arratinë". Jo vetëm fitoi ndaj Tomorit, por mori edhe lajmin e mirë nga Ballshi, atje ku Pogradeci barazoi. Vendi i parë nuk diskutohet, por tashmë shkëputen me 4 pikë. Më mirë se kaq nuk mund të shkonte për bardheblutë. Një trepikësh i vyer, ndaj një kundërshtari që bëri realisht rezistencë. Beratasit ankohen për gjykimin, por në fund Ze Maria i falet... sulmuesve. Sentamu dhe Ngoo shtynë topin në rrjetë, por protagonist absolut ishte Grent Halili. Dha asist dhe mori penallti allaUellbek, duke na risjellë në mendje ndeshjen e Arsenalit dhe Milanit. Ashtu si anglezi, edhe 19-vjeçari u fut në zonë dhe i mjaftoi që të ndjente prezencën e Dacit pranë tij, i cili në rastin konkret bëri Rikardo Rodriges, dhe e la veten të rrëzohej në zonë. Ka 11- metërsh, por me ndryshimin e vetëm që Uellbek shënoi vetë, ndërsa te Tirana e ekzekutoi Ngoo.
PJESA E PARË - Ka ritëm që në start dhe Tirana fiton terren, e megjithatë përpjekjet e Sentamusë dhe Grecës, nuk përbëjnë rrezik për Kaloshin. Në minutën e 9-të vjen rasti ideal, por gjuajtja me kokë e Sentamusë, pas krosit të Kërçikut shkon vetëm mbi tra. Bardheblutë krijojnë, por Tomori është i mirëvendosur në fushë dhe i hap punë vendësve, aq sa Karabeci provon nga distanca, por has rezistencën e portierit në dy kohë. Kundërpërgjigjet Bitri në të njëjtën formë, por nuk gjen as kuadratin. Bardheblutë duan me çdo kusht golin, por sa pa fat aq për mirë të miqve, nuk ia dalin në tre raste. Në të 33ën, Sentamu gjuan vetëm jashtë, në të 35-ën Ngoo bllokohet nga portieri dhe në të 37ën tentativa e Grecës devijon në këndore prej Kaloshit. Ze Maria sheh që diçka nuk shkon dhe bën lëvizjen e parë, largon Grecën për Halilin. Ndryshimi i shpejtë acaron sulmuesin, por në fund rezulton efikas për ekipin. Djali i presidentit riu harkon një top perfekt në zonë dhe Sentamu i ndodhur në pozicion, devijon me majën e këmbës së djathtë dhe shënon, duke e dërguar Tiranën të qetë në dhomat e zhveshjes.
PJESA E DYTË - Loja rinis me një moment të kontestuar nga beratasit. Kryesori Dyrmishi akordon penallti në favor të Tiranës në të 48-ën, pas rënies së Halilit në zonë, për një kontakt gati inekzistent të Dacit. E merr përsipër Ngoo dhe nuk gabon, duke i dhënë avantazhin e dyfishtë, por jo sigurinë. Dhe për këtë menduan miqtë, që morën zemër dhe u hodhën në kërkim të ngushtimit të shifrave. Në të 53-ën dhe 61-ën kishte mundësi të artë Kopaçi, në të parën doli huq dhe në të dytën hasi rezistencën e portierit bardheblu. Nuk zgjati shumë dhe Tirana humbi Ilion Likën, që u dëmtua keqazi në të 75-ën pas përplasjes me Kopaçin. Ky i fundit bëhet protagonist pas 10 minutash kur merr krahun e majtë dhe kroson në zonë për Hysenin, i cili pambuluar nga mbrojtja, gjuan me kokë dhe ngushtuar rezultatin. Sentamu e Ngoo mundohen që të trefishojnë deri në fund, por nuk kanë "shënjestër", duke e mbyllur me shifrat 2-1 këtë duel.