Rrezikojnë Europën, Xhafaj skanon Flamurtarin
Merkato e dështuar, por më bindin alternativat në ofensivë
Daniel < hafaj men don se Flamurtari dështoi me merkaton e janarit. Në një intervistë për "Panorama Sport", vlonjati që prej dy vitesh jeton në Amerikë, thekson se ndeshja e nesërme ndaj Partizanit është vendimtare për objektivat e klubit. Sipas tij, kualifikimi në zonën europiane do të jetë në rrezik nëse nuk marrin pikë në kryeqytet.
Daniel, si e vlerësoni ecurinë e Flamurtarit pas 25 javësh kampionat?
E kam ndjekur rregullisht kampionatin shqiptar, edhe pse ndodhem shumë larg vendit. Mendoj se ecuria e Flamurtarit deri para pak javësh ishte për t'u vlerësuar. Pra, ishte një ecuri shumë pozitive. Mirëpo, është e çuditshme se si skuadra ka pësuar një rënie të tillë.
Çfarë nuk ka shkuar sipas jush?
Nuk di ta shpjegoj se përse ekipi është në këtë situatë. Megjithatë, duke ndjekur ndeshjet këto javë, them se duhet të bëhet reagim i shpejtë, që të mos përkeqësohet më renditja, pasi kampionati është drejt finishit.
Drejtuesit e klubit dhe trajneri Duro ia kanë faturuar një pjesë të mirë të rezultateve të fundit negative gjykimit kundër Flamurtarit. Ju, si mendoni?
Po, është e drejtë. Gjykimi është bërë faktor në disa ndeshje të Flamurtarit këtë kampionat. Duhet të dimë diçka shumë të rëndësishme, sepse kjo situatë me gjykimet ndikon në psikologjinë e lojtarit. Duke ndikuar negativisht, edhe futbollistët nuk janë të qetë.
Çfarë komenti keni për afrimet e janarit?
Të them të drejtën, lojtarët e rinj ende nuk janë përshtatur dhe për këtë do të duhet edhe shumë kohë. Deri më tani merkatoja mund të cilësohet e dështuar, por grupi ekzistues
në skuadër mendoj se duhet t'ua bënte më të lehtë përshtatjen lojtarëve të ardhur rishtas.
Flamurtari ka në sulm emra s i Bushiç dhe Alvesh, por shënon pak...?
Flamurtari e ka sulmin
shumë të mirë dhe ka alternativa. Nuk mendoj se është një problem fakti që s'kanë realizuar rregullisht.
A është në rrezik tashmë objektivi për Kupat e Europës?
Me ecurinë e mirë të para pak javëve isha i bindur që do të arrinin Kupat e Europës këtë vit. Janë ende kandidat për Europë, por ama duhet të bëjnë kthesën sa më shpejt, pasi kështu rrezikojnë shumë.
Nesër luhet PartizaniFlamurtari. Si e parashikoni këtë takim?
Ndeshja me Partizanin do të jetë shumë vendimtare për Flamurtarin, sepse luan me rivalin për vendin e tretë. Besoj se do të arrijë një rezultat pozitiv në këtë ndeshje. Nëse ia dalin, atëherë janë më afër Europës. Në të kundërt, e shoh të vështirë vazhdimësinë.