Vllaznia e “burgosur” në mbrojtje, Gjoka bën plane pa Renato Malotën
' ezhjani nuk stërvitet, (u)aj e Kr*mi në d*shim prej dëmtimeve
Futbollisti i Vllaznisë, Renato Malota, nuk mori pjesë në stërvitjen e kuqebluve ditën e djeshme. Pritej që të ishte dje në stërvitje, por ai nuk ka mundur që të bashkohet me ekipin, për arsye që tanimë janë bërë të ditura. Ai akuzohet nga Prokuroria e Lezhës për "falsifikim dokumentacioni" dhe mbi të rëndon akuza "arrest me burg". Por, ajo që mësohet është se lezhjani erdhi dhe sqaroi trajnerin Ernest Gjoka dhe shokët e ekipit se si qëndron kjo çështje. Përpara se të fillonte stërvitja e ditës së premte, Malota i ka thënë teknikut Gjoka se ai prej 5 vitesh administron një
lokal te zona turistike "Rana e Hedhun", pjesë e Shëngjinit të Lezhës. Malota, për çdo vit, ka nënshkruar një kontratë me bashkinë Lezhë lidhur me shfrytëzimin e vendit ku ndodhet lokali te "Rana e Hedhun". Për këtë ka paguar edhe taksat që nevojiten. SQARIMI - Nga ana tjetër, Malota
ka sqaruar teknikun dhe ekipin se aty pranë ndodhet edhe një pronë tjetër që e ka trashëgimi nga gjyshi i tij, por që nuk ka lidhje me biznesin në fjalë dhe këtu mbrojtësi pretendon se ka një ngatërresë. Ngatërresa është mes vendit ku ndodhet lokali që administron dhe pronës së
trashëguar, Malota ka thënë se nuk ka kërkuar që të marrë tokën ku ndodhet lokali, gjë për të cilën akuzohet nga Prokuroria e Lezhës. Duke qenë emri i tij në dy prona, si administrues te njëra dhe si bashkëpronar te tjetra. Malota është shprehur se mund të ketë pasur ndonjë ngatërresë. MUNGESA- Lezhjani është person i shpallur në kërkim sepse mbi të rëndon akuza "falsifikim dokumentacioni" dhe gjykata e shkallës së parë në Lezhë ka vendosur masën e sigurisë "arrest me burg". Tashmë duhet pritur se si do të shkojnë gjërat nëse Malota do të dorëzohet apo do të jetë policia që do e arrestojë lidhur me tjetërsimin e pronave si pjesë e grupit prej 23 personash, mes të cilëve edhe kryetari i Bashkisë Lezhë, Fran Frrokaj. 12 zyrtarë dhe shtetas të tjerë janë arrestuar, ndërsa 11 të tjerë janë në kërkim mes të cilëve edhe Malota. Por, një gjë tanimë është e sigurt se Renato Malota, qendërmbrojtësi i ekipit kuqeblu, nuk do të jetë pjesë e Vllaznisë në takimin e së hënës ndaj Kukësit. Kjo do të jetë një tjetër mungesë e madhe për teknikun Gjoka që me sa duket po njeh vetëm probleme që në momentin kur ka marrë drejtimin e Vllaznisë.
MUNGESAT - Por nuk është vetëm Malota që do të mungojë në takimin me Kukësin. Përveç tij, në mungesa të sigurta duken edhe ato të Vucajt e Krymit për shkak se të dy janë të dëmtuar. Kësisoj, stafi teknik i ekipit shkodran pa dyshim që është vënë sërish me një problematike të madhe për të përzgjedhur 11-shen titullare. A. Uruçi