NOTAT JUVE
BUFON 6- Një notë thjesht për stimul për portierin e Juventusit. Nuk vihet kurrë në provë dhe nuk i bën pis dorezat. DE SHILJO 6,5- Kosta i Spalit ishte një kundërshtar i rrezikshëm, por mbrojtësi i Juves ia del si një veteran. Me personalitet e bllokon dhe tenton të ndihmojë skuadrën në sulm.
RUGANI 6- Kur Spali sulmon, ai i ngre mirë "antenat" dhe bën pak gabime. Edhe pse sulmuesit kundërshtarë nuk e vënë në provë.
KIELINI 6,5- Në momentin kur Juventusi e ka të vështirë të ndërtojë lojë dhe të pasojë topin, ai avancon. Në topat e gjatë nuk ka rivalë. (Nga 82' Barzalji-Pa notë). AZAMOAH 6- Ka një duel të bukur me Lazarin e Spalit, i cili nuk i lë asnjë centimetër. Azamoah bën detyrën e tij, por pa shkëlqim. ( Nga 64' MANXUKIÇ 5,5- Ka vetëm një rast dhe nuk e shfrytëzon). PJANIÇ 5,5- Ka nga pas hijen e Skiatarelës. Nuk është kurrë i kthjellët dhe Juventusit i mungojnë "shpikjet" e tij në mesfushë. Kur ai nuk funksionon edhe skuadra vuan. MATUIDI 5,5- Nuk mund ta kritikosh kurrë në kilometrat e përshkruar, presingun dhe punën e "pisët". Por bën gabim në pasime. Bën gjithçka mirë, përveç pasimit të fundit. (Nga 84' Bentankur- Pa notë). KOSTA 6,5- Ekuilibristi brazilian provon të bëjë goditjen finale falë shpejtësisë së tij. Në fund servir një top të mirë për Aleks Sandron, i cili e shfrytëzon keq.
DIBALA 6- Argjentinasi provon disa herë të godasë portën e Meret, por nuk e zhbllokon dot sfidën për çështje centimetrash. Vuan markimin e rreptë të mesfushorëve kundërshtarë. ALEKS SANDRO 5- Provë zhgënjyese për brazilianin. Në fundin e ndeshjes humbet shansin e artë për të goditur kundërshtarin dhe për të shënuar golin e avantazhit për Juventusin. Gjatë ndeshjes humbet shumë topa. HIGUAIN 5- Duhet thënë se shërbehet shumë pak në këtë ndeshje dhe shumë keq nga shokët. Mbetet i izoluar në sulm dhe nuk ka kurrë hapësirë për të goditur. TRAJNERI ALEGRI 5- Juventusi i tij ishte i parashikueshëm, i parrezikshëm. Zëvendësimet nuk dhanë fryt dhe skema 4-23-1 këtë herë dështoi.