Gafat në finale, portieri Karius kërcënohet me jetë
24-vjeçari kërkon sërish falje: E kam të pamundur të fle, dy gabimet më përndjekin
Loris Karius nuk mund të harrojë dhe ndoshta do ta ketë të vështirë edhe për shumë kohë finalen e së shtunës. Liverpuli i tij kishte një ëndërr me emrin Champions dhe portieri nga Baden Vyrtenbergu ia shkatërroi, me dy gabime që nuk falen as në ndeshjet e kalçetos mes miqsh. Mea culpa e 24-vjeçarit, pas mediave iu përsërit trajnerit, shokëve të skuadrës dhe tifozëve. Gjithsesi, nëse ata që ishin të pranishëm në Kiev edhe mund t'ia kenë falur gafat Kariusit, por pa dyshim jo të gjithë, kishte si gjithmonë edhe nga ata që vrerin e tyre e kanë shfryrë në mënyrë të turpshme, por ndoshta edhe të frikshme, duke qenë se në adresat e rrjeteve të tij sociale kanë ardhur edhe kërcënime me vdekje, aq sa policia e Mersejsajdit ka hapur një hetim. Gjithsesi, ndërsa policia bën punën e saj, rituali i faljeve publike për biondin e Liverpulit vazhdoi dje.
FAJE - Loris Karius nuk u gjend në portën e Liverpulit rastësisht. Rrugëtimi i tij nisi thuajse 10 vite më parë kur kartoni i tij si një i ri i talentuar blihej nga Mançester Siti, ndërsa përvojën si profesionist e bëri te Mainci. Gjermania në nivel grupmoshash e ka grumbulluar gjithmonë, por për Karius asgjë nuk ka vlerë, siç poston në profilin e tij në "Instagram": "Nuk kam mbyllur sy pas ndeshjes. Gabimet që bëra më
shfaqen pa pushim si film përpara syve. Më vjen pafundësisht keq për shokët, tifozët dhe stafin. E di që me dy gabimet e mia shkatërrova një finale dhe zhgënjeva këdo. Do doja vetëm të ktheja kohën pas, por e di që nuk është e mundur".
FAMILJE - Për të kaluar
këtë dramë, Loris Karius kërkon të mbështetet te tifozët e Liverpulit, të famshëm për sportivitetin e tyre. "Kështu është akoma më keq dhe më dhemb edhe më shumë, sepse mendonim se mund ta mposhtnim Realin. Faleminderit tifozëve tanë të pabesueshëm
që na ndoqën deri në Kiev dhe nuk na kursyen mbështetjen edhe pas takimit. Nuk është së kam pasur ndonjëherë dyshime, por në Kiev kuptova edhe më mirë se çfarë familje e madhe jemi. Faleminderit të gjithëve. Do të kthehemi më të fortë".