Partizani, i gjithi në ankth
Me ardhjen e Gegës asnjë lojtar i sigurt, priten skarcime në ditët në vijim
Partizani i sezonit të ri ka pak ditë që ka nisur punën, ku fillimisht kërkohet një paraqitje dinjitoze në Ligën e Europës, por synimet më të mëdha janë në kampionat. Aktualisht të kuqtë janë të mbështjellë nga ankthi, ku si fillim mbeten në pritje...
Partizani i sezonit të ri ka pak ditë që ka ni sur punën, ku fillimisht kërkohet një paraqitje dinjitoze në Ligën e Europës, por synimet më të mëdha janë në kampionat. Aktualisht të kuqtë janë të mbështjellë nga ankthi, ku si fillim mbeten në pritje të kundërshtarit të Ligës së Europës. Shorti do të hidhet sot, por ndarja e grupeve i lë pak shpresa të kuqve në turin e parë paraeliminator të Ligës së Europës. Kundërshtari më i afërt gjeografikisht është Maribori i Sllovenisë, por goglat mund t'i çojnë deri në Azerbajxhan ndaj Neftçit apo në Kazakistan ndaj Tobolit. Dy kundërshtarët e tjerë të mundshëm janë sllovakët e Treçinit dhe rumunët e Vitorulit, që drejtohen nga "Maradona i Karpateve", George Haxhi. Të kuqtë nuk e dinë se për çfarë të luten në këtë short, pasi të gjithë rivalët e mundshëm janë të vështirë. Ka edhe nga ata që mund të japin shpresë, por ndodhen në transfertat e largëta të Lindjes, si Neftçi apo Tobol.
SKARCIMET- Dje skuadra ka zhvilluar përgatitjet e dyta nën drejtimin e trajnerit Skënder Gega, por fjalët e 54-vjeçarit në prezantimin e tij e kanë shtuar ankthin te lojtarët. Trajneri Gega ka pohuar se të gjithë lojtarët konsiderohen në provë, ndaj në ditët në vijim pritet që të ketë skarcime në radhët e grupit, që po përgatitet aktualisht.
Për këtë arsye kërkohet impenjim maksimal në këto seanca nga lojtarët, pasi vetëm kështu mund të bindin trajnerin e ri për mbetur të kuq në sezonin e ardhshëm. Skarcimet pritet të përfshijnë jo vetëm lojtarët që kanë ardhur në provë, por edhe nga grupi i sezonit të shkuar.