“Zambakët e bardhë” të Maltës, ja kush është Valeta
Vlejnë sa gjysma e kuksianëve, por s’duhen nënvlerësuar
ukësi mund të qu het me fat nga shor ti i hedhur dje në Nion, pasi praktikisht në letër kampionët e Maltës, Valeta, konsiderohen një kundërshtar i kalueshëm. Por, gjithçka do të vendoset nga fusha e lojës. Valeta është klubi më i titulluar në Maltë, me 24 tituj kampion, 14 Kupa të Maltës, si dhe 11 Superkupa. Valeta u themelua në vitin 1886 dhe fillimisht njihej si Malta Atletik Klub, ndërkohë që nga viti 1906, ajo mori emrin Valeta Junajtid, emër të cilin e mbajti deri në vitin 1943, kur pas atij viti filloi të quhej Valeta Futboll Klub. Kundërshtari i Kukësit ka një epitet të veçantë, "zambakët e bardhë" dhe luajnë në një stadium të vogël me kapacitet 2000 vende. FC Valeta konsiderohet si klubi i rekordeve në Maltë. Në sezonin 1996- 97 Valeta vendosi një rekord, duke fituar 5 trofetë e mundshëm në Maltë, ndërsa në sezonin 2000-01 e theu vetë rekordin, sepse fitoi 6 trofe në një sezon, pasi u shtua edhe një kupë me rastin e 100 vjetorit të themelimit të Federatës së Futbollit të Maltës. "Zambakët e bardhë" kanë në përbërje shumë lojtarë të huaj, kjo vjen nga fuqia e presidentit me origjinë ruse, Viktor Skiriha. Sipas "transfermarkt" vlera e FC Valeta është rreth 2.8 milionë euro, përkundrejt 5.2 milionë eurove të Kukësit. Lojtari më i shtrenjtë i Valetës është argjentinasi Migel Alba (400 mijë euro), i cili në janar kaloi nga Kategoria e Katërt argjentinase te Valeta. Nga ekipi i sezonit të shkuar bien në sy lojtarët e Kombëtares së Maltës, Rajan Kamileri, Stiv Borg, Xhozef Zerafa; mesfushori nga Omani, Saleh, si dhe sulmuesi argjentinas Santiago Malano. FC Valeta luan rregullisht në Kupat e Europës, por ndër sukseset e vetme mbetet kalimi i një turi, gjë e cila ka ndodhur në 5 raste, kryesisht ndaj kundërshtarëve modestë nga San Marino, Ishujt Faroe. Gjithsesi, maltezët janë një kundërshtar që nuk duhet nënvlerësuar nga Kukësi, për vetë eksperiencën që ka përbërja e ekipit, trofetë e shumtë, por edhe investimi i presidentit të klubit, rusit Viktor Skiriha.