Kaos tek Elbasani, Sejdini prish planet
Kryebashkiaku mungon në mbledhje, do diskutohej për ekipin
itën e djeshme u mbajt mbledhja e Këshillit Bashkiak të qytetit të Elbasanit, ku u shpresua se do të flitej sadopak edhe për futbollin. Mirëpo, një gjë e tillë nuk ndodhi, për shkak se në këtë mbledhje mungoi kryebashkiaku Qazim Sejdini, si personi që ka më shumë dijeni rreth situatës që po ndodh me aksionet e F.K Elbasanit. DISKUTIMET
Burime të besueshme të "Panorama Sport" pohojnë se këshilltarët e djathtë kishin si synim të diskutonin për problemet e futbollit, edhe pse bëhej fjalë për një çështje që nuk ishte parashikuar në rend dite. Mirëpo, nëse të gjithë sportdashësit shpresonin te ndonjë diskutim për futbollin, një gjë e tillë nuk ndodhi dhe do të mbetet për mbledhjen e ardhshme në muajin korrik. Duhet thënë se situata e klubit të Elbasanit nuk është ndër më të mirat, për shkak se ka një ngërç me aksionet e shitura te kompania "Mançester Group". Anglezët kanë humbur çdo interes për të investuar dhe për MESFUSHORI më tepër nuk kanë likuiduar ende përfundimisht aksionerët e mëparshëm. Në një situatë të tillë, nuk dihet se cili do të merret me organizimin e klubit për sezonin e ri futbollistik, ndërkohë që figura të njohura në futbollin elbasanas kanë kërkuar ndërhyrjen e bashkisë për t'i dhënë një zgjidhje situatës. Megjithatë, mbetet për t'u parë se çfarë do të ndodhë në javët në vazhdim me klubin e futbollit. SKUADRA
Verdheblutë prekën fundin një sezon më parë, ku luajtën në Kategorinë e Dytë.
Megjithatë, ia dolën që vetëm pas një viti të rikuperonin dhe të ngjiteshin sërish në të Parën. Por, për Elbasanin duket se nuk do të ketë qetësi. Klubi ka probleme me aksionet, ndërsa këtë e vuan skuadra. Të gjithë janë me sytë nga bashkia dhe ishpresidenti KUÇOVARËT
Arben Laze dhe presin ndryshime. Ndërkaq, ekipi është me pushime dhe askush nuk di të thotë se kur do të grumbullohet për të nisur fazën përgatitore. Gjatë kampionatit të kaluar, verdheblutë u mbështetën kryesisht te lojtarët e rinj.