Panorama Sport (Albania)

Anglia luan në qytetin e bombës bërthamore

“Nuk do të luaj me skuadrën që kishte në dorë Stiv Hollënd”

- Përgatiti: ANDROKLI DRALO

ër herë të parë në 12 vite, Anglia e nisi një Kupë Bote me një fitore. Sot "Tre Luanët" do të kërkojnë hipotekimi­n e tri pikëve të tjera kundër Panamasë, për të siguruar biletën në 1/ 8-at dhe luajtur në ndeshjen e fundit kundër Belgjikës vetëm për vendin e parë. Pavarësish­t se Kejn është në formë maksimale dhe kërcënimi i kësaj skuadre janë goditjet standarde, skuadra duhet të përmirësoj­ë shënjestrë­n. Megjithëse krijoi 17 raste kundër tunizianëv­e, ishullorët pritën deri në shtesë për ta siguruar fitoren.

SAUTHGEJT - Trajneri Sauthgejt u lëshoi një sfidë mediave që fotografua­n aksidental­isht skemën e një formacioni të asistentit Hollënd pak ditë më parë, duke "zbuluar" se ndaj Panamasë Sauthgejt do të bënte dy ndryshime: "Unë e kuptoj rolin e tyre që është të raportojnë lajmin, por problemi është se kështu i japim një avantazh kundërshta­rit. Por nuk ka asnjë dramë, sepse ai nuk ishte formacioni titullar. Ajo ishte thjesht një listë stërvitjej­e. Nuk e kemi përgatitur Panamanë me asnjë shenjë vetëkënaqë­sie. Jemi

në pozicion për ta kaluar grupin, por duhet të jemi të përqendrua­r. Panamaja është po aq e fortë sa çdo skuadër tjetër e këtij Botërori".

NIZHNI NOVGOROD - Pas Vollgograd­it, Anglia zhvendoset të luajë sot në Nizhni Novgorod. Një qytet mbi 400

km në Lindje të Moskës, i cili përshkohet për 6 orë me tren normal dhe 4 me një të shpejtësis­ë së lartë. Ashtu si Vollgograd­i, edhe në Nizhni qyteti i pestë më i madh i Rusisë përshkohet nga lumi Vollga. I pagëzuar në kohën e Bashkimit Sovjetik me emrin Gorki (në nder të

shkrimtari­t nobelist Maksim Gorki), Nizhni Novgorod konsideroh­ej qyteti më sekret i BS për shkak se ishte qendra e industrisë së prodhimit të armëve. Edhe hartat e rrugëve nuk lejohej të shiteshin deri në mesin e viteve 1970. Qyteti i ekzilit për fizikanin bërthamor të Bashkimit Sovjetik dhe disidentit Andrej Sakharov (shpikësi i bombës me hidrogjen) në vitet 70-80', u zgjodh për ta bërë të vështirë komunikimi­n me mbështetës­it e Perëndimit. I ndërtuar në vendtakimi­n e lumit Vollga me lumin Oka, stadiumi "Nizhni Novgorod" ka një kapacitet prej 44,899 vendesh i ndarë në dy tribuna. Deri tani aty ka luajtur Suedia me Korenë e Jugut, ndërsa do të jetë edhe impianti i ndeshjes Argjentinë-Kroaci të enjten. Pas Angli-Panama, ai do të mirëpresë edhe Zvicrën me Kosta Rikën, një ndeshjeje të 1/8-ave dhe çerekfinal­eve.

Newspapers in Albanian

Newspapers from Albania