Maradona: Shpresoj që tek Argjentina të jenë rrahur mes tyre
"(ajin e ka federata dhe trajneri që nuk di )*bën"
Diego Maradona nuk është nga ata që fshihen pas situatave dhe dallohet si një personazh që thotë gjithmonë atë që mendon. I zhvendosur në Rusi, ai vazhdon të drejtojë "La Noche del 1;". Në edicionin e radhës së emisionit të tij, Diego ka kritikuar ashpër skuadrën argjentinase dhe futbollistët e saj. Humbja me Kroacinë mund të kushtojë rëndë dhe mund të shndërrohet në një njollë turpi në futbollin argjentinas. Lidhur më disfatën e fundit të Mesit me shokët, Maradona ka thënë: "Do të ishte mirë sikur dikush nga futbollistët në këtë moment të ishte duke mbajtur një qese me akull në fytyrë. Kjo nuk po ndodh sepse në dhomat tona të zhveshjes askush nuk ka këllqe për të dhënë edhe ndonjë shuplakë". Aludimi i "Pibe D':r" ka të bëjë me faktin se lojtarët nuk po reagojnë. Në skuadër nuk ka ballafaqime, të cilat sipas Diegos në këtë moment mund të ndihmonin ekipin të kthente faqe.
SAMPAO ! - Analiza e ishkampionit të botës në 1<=> vijon më tej dhe bëhet akoma më e pamëshirshme. "Pësuam tre gola dhe askush nga djemtë tanë nuk dha maksimumin, sepse për të lënë këmbët në fushë as që bëhet fjalë. Kroacia nuk është as Brazili, as Gjermania dhe as Spanja. Nuk e kuptoj sesi njerëzit mendonin se Horge Sampaoli do të na zgjidhte problemet tona me kompjuterë dhe dronë. Kur mori Argjentinën erdhi me 1? asistentë, por skuadra jo vetëm që nuk është përmirësuar, por po luan edhe më keq se më parë. Nuk dimë të mbrojmë, nuk kemi zgjidhje në mesfushë, e aq më pak të ndërtojmë një fazë sulmuese të denjë", deklaroi Maradona i nervozuar.
ME "#E PA $A% - Përveç "gjyqit" të Sampaolit, ish-numri dhjetë në rolin e drejtuesit të emisionit fajëson edhe federatën e vendit të tij, sidomos presidentin Klaudio Tapia. "Federata argjentinase udhëhiqet nga njerëz që nuk e kanë idenë e futbollit. Ata po e fusin Argjentinën në një qorrsokak", tha Maradona, nga kritikat e të cilit shpëtoi vetëm Leo Mesi. Në lidhje me yllin e formacionit të Sampaolit, Diego sqaroi: "Leo luan në maksimumin e mundësive të tij. Akuzat ndaj tij janë të papranueshme, sepse nuk i takon Leos të zgjidhë problemet taktike apo të mbulojë gabimet e shokëve".