Maskerano, “adios” Argjentinë: Do jem tifozi numër një

Mesfushori jep lamtumirën pas 147 ndeshjesh

"Duke nisur nga tani, jam vetëm një tifoz më shumë për këtë skuadër". Në përfundim të ndeshjes me Francën, ku skuadra e tij u mund me rezultatin 4-3, Havier Maskerano ka deklaruar se do tërhiqet përfundimisht nga kombëtarja. Me deklaratën e mësipërme të lënë pas ndeshjes, mesfushori i ka dhënë në këtë mënyrë lamtumirën përfaqësueses bardhekaltër. "Bëmë gjithçka deri në minutën e fundit. Ishte një ndeshje shumë e çmendur ku nuk e nisëm fare mirë, arritëm të rikuperonim dhe të përmbysnim rezultatin, por barazimi i tyre na dëmtoi shumë. E patëm shumë të vështirë të ringriheshim prej atij momenti. Megjithatë, nuk kemi pse të kritikojmë veten. Duhet të pranojmë se kundërshtari luajti më keq sesa ne. Shpresoj që në të ardhmen këta djem të provojnë përsëri dhe të arrijnë të bënë diçka", shtoi ish- lojtari i Liverpulit dhe Barcelonës. KARRIERA - Në kohën kur debutoi me kombëtaren e madhe ( ishte 16 korriku i vitit 2003) në një miqësore me Uruguain, Maskerano nuk kishte luajtur asnjë minutë si profesionist me skuadrën e parë të River Plejtit, sepse në rolin e shkatërruesit në skuadër ishte "Shefi", siç quhej

kapiteni dhe veterani Leonardo Astrada. Megjithatë, talenti i tij, i treguar më së miri me përfaqësueset e moshave dhe me skuadrën olimpike, bëri që t'i jepej një mundësi për të treguar vlerat. Me kombëtaren do të luajë në total 147 ndeshje, duke realizuar edhe 3 gola. Përveç dy

medaljeve të arta në Lojërat Olimpike 2004 dhe 2008, Maskerano ka arritur të jetë katër herë finalist në Kupën e Amerikës me Argjentinën (2004, 2007, 2015, 2016) si dhe finalist në Botërorin e kaluar, ku Argjentina u mund 1-0 në finale nga Gjermania.