Spanja sulmon nga e majta, Rusia vrapon si e çmendur
Rusët ndryshojnë shpesh, godasin me kundërsulm
Fernando Hierro dhe Stanislav Çerçesov po përgatisin strategjinë për të marrë rezultatin pozitiv në ndeshjen e sotme, e vlefshme për 1/ 8- at e Botërorit. Gazeta "AS" ka bërë një analizë për Spanjën dhe Rusinë duke zbuluar sekretet e kësaj përballjeje, nga e cila do të vendoset se cila do të shkojë në çerekfinale. Spanjë-Rusi do të luhet ditën e sotme në orën 16: 00 në "Luzhniki" të Moskës.
KILOMETRA- Spanja e respekton maksimalisht Rusinë dhe e ka marrë seriozisht duelin në fazën e 1/8-ave kundër të zotëve të shtëpisë. Rusia është një rival disi ndryshe nga të tjerët, por një ekip shumë fizik dhe i fortë. Deri tani, lojtarët rusë kanë përshkuar 331 kilometra, 20 më shumë sesa Spanja. Mesfushorët si Zobnin, Gazinski, Samedov, Golovin dhe Çerishev regjistrojnë nga 12 kilometra për ndeshje, një shifër shumë e lartë.
KAMELEON- Rusia është një skuadër që i përgatit skemat në bazë të rivalëve që ka përballë dhe nuk ka një lojë fikse. Kundërsulmet janë arma më e fortë e ekipit të Çerçesovit, i cili e rreshton ekipin me skemën 4-4-1-1 dhe kërkon të rikuperojë topat me Zobninin dhe Gazinskin. Mesatarja e kundërsulmeve të Rusisë është 14 për ndeshje, ndërsa në sfidën hapëse ndaj Arabisë Saudite arritën 19 kundërsulme. Spanja duhet të bëjë kujdes në këtë aspekt.
QËNDRUESHMËRINga ana tjetër, Spanja nuk e ndryshon idenë e saj për të luajtur me pasime ( deri tani ka dhënë 795 pasime mesatarisht për ndeshje, 379 më shumë sesa Rusia). Ekipi spanjoll e zhvillon lojën e tij nga e majta, aty ku Ramos pason shpesh për Albën dhe më vonë Iniesta dhe Isko krijojnë lojën mes tyre për të shkuar në sulm.
NË ANËN TJETËR- Ndryshe nga Spanja, Rusia e zhvillon lojën e saj nga e djathta. 89 sulme kanë ardhur nga kjo pjesë me mbrojtësin e djathtë Fernandes, i cili sulmon mirë dhe me Samedovin që kroson
shpesh në zonë për të gjetur të lirë sulmuesit. Kjo pjesë e fushës do të jetë një fushe "beteje".
STRATEGJIA- Djemtë e Çerçesovit janë "vrasës" nga goditjet standarde dhe deri tani kanë shënuar 4 gola. Spanja duhet të jetë e kujdesshme me krosimet në shtyllën e parë,
pasi 10 nga 18 krosime kanë qenë aty. Hierro ka Pikenë si "rojtarin" e zonës dhe duhet të bëjë kujdes sepse rusët janë shtatlartë. Ndërkohë që në kornet kundërshtare, Rusia ka dy lojtarë si Samedov dhe Zhirkov që mbrojnë shtyllat.
GJIGANTË- Nuk është
çudi që Spanja të vuajë shumë nga topat e gjatë. Në sulmin e Rusisë është një lojtar si Dzyba (1.96 metra). Dhe ka një të dhënë interesante, pasi kombinimet mes portierit Akinfejev dhe sulmuesit janë të tretat më të përsëriturat në kampin rus. Për më tepër, Ramos
ka treguar se nuk është i pathyeshëm dhe ka humbur disa duele në ajër.
NUK PRESIN- Ky është një Botëror për t'u harruar për dy portierët De Gea dhe Akinfejev. Rusi ka realizuar 3 pritje dhe ka pësuar 4 gola, ndërsa spanjolli ka bërë vetëm
një pritje në 6 goditjet që ka marrë në portë. Pesë goditje kanë përfunduar në rrjetë.
MARATONOMAKUËshtë Golovin lojtari që ka vrapuar më shumë në dy ndeshjet e para: 25.2 kilometra. Mesatarja më e lartë e arritur deri tani në Botëror.