LUANËT E VËRTETË, Kroacia në finale
Nga Superkupa me Dinamon te te finalja finalja e e Botërorit, Botërorit, Daliç: Daliç: Po bëjmë çmenduri Sauthgejt Sauthgejt dhe dhe Kejn: Kejn: Na dhemb shumë, duhej duhej mbyllur mbyllur ndeshja ndeshja Mustaqet e Ramisë, tulla tulla e e Bartezit Bart
Luanët e vërtetë ishin kroatët... I besuan talentit, sakrificës... Ditën të përballojnë të tretën ndeshje radhazi në kohën shtesë, por ketë herë i mbyllën llogaritë pa iu falur "ruletës" së penalltive... Ndërsa "Tre Luanët", edhe pse nuk do të kthehen në shtëpi, u çaktivizuan nga një komb prej 4 milionë banorësh, që futbollistikisht ekziston prej vitit 1993 dhe të dielën do të jetojnë finalen e parë Botërore. Futbolli merr rrugë të ndryshme, por nderon atë që e bën të madh dhe magjik këtë sport. Kroacia, në shumë vite, i ka dhuruar kampionë të mëdhenj kësaj loje dhe dje në mbrëmje, vlerësoi më të madhin e tyre, Modriçin, të cilit do t'i takojë të udhëheqë kombin e tij, në aktin e fundit përballë Francës, me të cilën ka një llogari të hapur prej vitit 1998, pasi i mohonte finalen e atij viti. Anglia përmbyset 2-1 në kohën shtesë dhe tani do të udhëtojë në drejtim të Shën Pjetërburgut, ku të shtunën e pret finalja e vogël. Janë të rinj, kanë të ardhme, por ky dukej vërtet rasti i tyre i madh. Anglezët, mesa dukej, nuk i kishin bërë llogaritë me Perisiçin dhe Manxukiçin. Nëse mesfushori i Interit barazon me një goditje karateje, sulmuesi i Juves i vendos vulën ndeshjes në shtesën e dytë. Kroacia konfirmoi edhe një herë se nuk dorëzohet kurrë, por mbi të gjitha se di të ringjallet, edhe në momentin kur të gjithë e mendojnë të "vdekur".
BIRRAT NË AJËR - Në Londër, birrat pihen lumë, por vërshojnë në formë shiu, kur nga "Luzhniki", në minutën e pestë, goli do të vijë në të parin aksion ofensiv. Goditje dënimi e fituar nga Ali, pas një faulli të Modriçit dhe që transformohet në "perlë" nga Tripier. Anësori i Totenhemit, i poseduar nga shpirti dhe nga e djathta e Devid Bekhamit, gjen golin e parë me kombëtaren dhe zhbllokon gjysmëfinalen e dytë të Botërorit. Goditja e tij është e fortë, elegante, e saktë, mahnitëse...
SHPËRDORIME - Anglezët nuk mbyllen për të ruajtur golin, edhe sepse ishte shumë shpejt, vetëm minuta e pestë. Madje, e justifikojnë dhe meritonin edhe të dytin, por Kejn dhe Lingard shpërdorojnë në mënyrë flagrante dy raste të pastra. Gjithsesi, mbrapa, anglezët vuajnë vetëm reaktivitetin e Rebiçit dhe i lejojnë vetëm një goditje Perisiçit. Për momentin, kroatët
u dukën shumë të shuar, të lodhur, por ky ishte një mendim i gabuar, shumë i gabuar...
"IVANI I TMERRSHËM" - Pikërisht, sepse nga minuta e 20 e më pas e pjesës së dytë, skenën e pushton "Ivani i tmerrshëm", që përpin në çdo aksion dhe tërbon Uokerin, fillimisht
duke e "shpuar" me top poshtë këmbëve dhe më pas e paraprin në golin e barazimit: Perisiç fluturon me të majtën të ajër, një kërcim karateje dhe me të jashtmen e këmbës devijon në portë krosimin e Vrsalikos. Madje, pas tri minutash, vetëm fati i mohon mbrëmjen e ëndrrave,
pasi në një inkursion në zonë godet shtyllën me të majtën. Papritur, Anglia duket të fundoset, ndërsa Kroacia rilind, por edhe pse Manxukiç e Perisiç kanë edhe dy raste të tjera për 2-1, ndeshja shkon në kohën shtesë, e treta radhazi për ballkanasit. Pesë minutat e bisedës me Sauthgejtin duket sikur rigrupojnë "Tre Luanët", por nga ana tjetër është një Modriç në versionin "jashtëtokësor". Por, nëse Anglia ulëret gol pas goditjes me kokë të Stons, që Vrsaliko e shpëton me kokë mbi vijën fatale të portës, Kroacia me Manxukiçin "kap" ëndrrën: sulmuesi i Juves, në të 114-ën nuk gabon, kur një asist me kokë me shpatulla nga porta i Perisiçit kap të përgjumur mbrojtjen angleze dhe Manxukiç lëshohet te sfera me gjithë egërsinë e tij dhe shkund rrjetën. Kroacia në finalen e Botërorit. E pabesueshme...