Nis aventura e Vrsalikos në Milano, gati vizitat
Ka zgjedhur numrin 2, Atletiko i gjen zëvendësuesin
nteri po vepron me shpejtësi në merkato. Mbrëmjen e ditës së hënë u konfirmua akordi me Atletikon e Madridit për transferimin e Sime Vrsalikos: hapi i parë i aventurës së tij të re interiste. Ndërsa, dje zikaltrit kanë organizuar gjithçka për ta sjellë në Itali: kroati ka mbërritur në Milano gjatë mbrëmjes ( rreth orës 23: 00), në prag të vizitave mjekësore, të programuara me shumë mundësi për ditën e sotme.
AKORDI - Shifrat dhe detajet e akordit, ndërkaq, janë të ditura: ish-lojtari i Sasuolos, pas një Botërori të shkëlqyer, do transferohet me formulën e huazimit me të drejtë blerjeje. Dy klubet, pas bisedimesh të shumta, akordin total: Interi do paguajë rreth 6,5 milionë euro për huazimin dhe, nëse do e konfirmojë, 17,5 milionë të tjerë. "Tuttosport", në edicionin e ditës së djeshme, raportoi edhe se Vrsaliko ka zgjedhur numrin e fanellës: pritet të veshë mbajë 2.
SIMEONE GJEN ZËVENDËSIN - Atletiko, ndërkaq, nuk ka humbur kohë për të gjetur zëvendësuesin. Pas "intervistave" të shumta, i përzgjedhuri nga trajneri Diego Pablo Simeone duket të jetë Santiago Arias: kolumbiani pritet të zyrtarizohet si lojtari më i ri i madrilenëve. Marrëveshja Inter-Vrsaliko i ka hapur derën lojtarit të PSV Eindhoven-it, i cili raportohet të jetë në Madrid për të mbyllur marrëveshjen me drejtuesit e Atletikos. Lojtari mori pjesë në Botëror me "Cafeteros", ndërsa ka 4 vite që luan në nivele të larta me PSV, ku tri herë është shpallur kampion në kampionatin holandez. Në foton zyrtare të ekipit këtë herë kolumbiani mungonte. Një detaj jo pa rëndësi. Me sa duket, "Wanda Metropolitano" do të jetë shtëpia e tij e ardhshme.