Talentet më të shtrenjta lindur pas viteve 2000

Nga klienti i ri i Raiolës tek i refuzuari i Guardiolës

Atletiko e Madridit u bë klubi i fundit që mirëpriti brezin e ri të lojtarëve me paraqitjen fantastike të Viktor Mojejos në miqësoren kundër PSG-së të hënën. Produkti i akademisë tashmë mund të krenohet me faktin se është golashënuesi i parë në historinë e klubit që ka lindur në shekullin XXI. Por, veç Mojejos ka një numër talentesh të reja që po avancojnë me hapa gjigantë dhe sipas sajtit të specializuar të vlerave të futbollistëve, "Transferkmart", këta janë më të kushtueshmit. VINISIUS - Zhunior i kushtoi Realit 35 milionë euro dhe pritshmëritë nga sulmuesi brazilian janë të mëdha.

PAULINJO - Paulinjo refuzoi interesin e Dortmundit për të zgjedhur Leverkusenin. 25 mln euro u kushtoi sulmuesi brazilian "aspirinave". SESENJON - Mbrojtësi i majtë i Fulhamit, Rajan Sesenjon, konsiderohet talenti më i mirë në botë në rolin e tij. Ai do të luajë në Premier Ligë këtë sezon dhe Junajtid e di që do të duhet të paguajë më shumë se dyfishin e 25 milionë eurove ( vlera e kartonit sipas "Transfermarkt").

ZHUBELES - Vilem Zhubeles ka lindur në vitin 2001, por ka debutuar që tani në kompeticionet europiane. Monako pagoi mbi 20 milionë euro për të siguruar shërbimet e tij.

SANÇO - Që prej transferimit të tij te Dortmundi, kartoni i tij kushton

15 milionë euro. Borusia arriti të bëjë të shkëlqejë një perlë që Guardiola nuk e donte në skuadrën e tij.

KIN - I fundit në listën e gjatë të klientëve të Mino Raiolës është diamanti i Juventusit, Moise Kin. Kartoni i tij kushton 12 milionë euro.

RODRIGO - Sulmuesi i Santosit, Rodrigo, do të transferohet në Madrid pasi të mbushë 28 vjeç. Reali e siguroi për 10 mln euro. PELEGRI - 8 milionë euro pagoi Monako për një prej sulmuesve më premtues të së ardhmes, Pietro Pelegrin e Xhenoas. FODEN - Fill është një tjetër talent i Sitit, të cilin Guardiola e vlerëson shumë. Ai kushton sot 7 milionë euro.

TONALI - Sandro është një tjetër talent italian që krahasohet me Andrea Pirlon. Vjen nga akademia e Breshias dhe kushton 7 milionë euro.

TORRES - Lojtari i parë që ka lindur në vitet 2000 dhe luajti në La Liga është Ferran Torres. Shpresa e madhe e Valencias kushton 5 milionë euro.