5 humbësit dhe 5 fituesit në turneun e SHBA-së

Bajerni i Mynihut është kthyer nga turneu i Amerikës vetë ditën e diel. Por, jo të gjithë lojtarët që ishin me skuadrën bindën trajnerin Kovaç në dy ndeshjet e zhvilluara me Juventusin dhe Mançester Sitin. "AZ" ka bërë një analizë të lojtarëve që ishin në nivelin e pritur dhe të atyre që nuk ishin në nivelin e kërkuar në fillim nga trajneri Kovaç.

Ndeshjen e fundit portugezi nuk luajti pasi pësoi një bllokim në pjesën e hernias diskale. Mjekët vendosën që ai të qëndrojë disa ditë pushim për t'u rikuperuar plotësisht. Por, në ndeshjen me Juventusin ai tregoi që kishte një potencial të madh, duke i dhënë shumë energji skuadrës në mesin e fushës. 20- vjeçari duket se është përshtatur sërish te Bajerni, këtë e konfirmon edhe humori i mirë që ka shfaqur me shokët e skuadrës. Vetë Sançez ka deklaruar se kërkon të tregojë veten në këtë sezon të ri te Bajerni. Talenti është një alternativë e mirë për mesin e fushës dhe jo vetëm.

Francezi ishte edhe kapiteni i skuadrës në dy takimet e zhvilluara në SHBA. 35-vjeçari shfaqi një formë të shkëlqyer fizike pavarësisht moshës së madhe. Lojtarit i pëlqeu edhe roli i ri që trajneri Kovaç i kishte rezervuar. Riberi luajti si numër 10, pas shpinës së Sandro Vagnerit.

Holandezi u duk si ai në kohët e arta me Bajernin. Driblime dhe pasime të shpejta si dhe golashënues. Një armë plus për trajnerin që duhet të falënderojë drejtuesit e merkatos që i rinovuan edhe për një sezon kontratën që i skadonte në maj të këtij viti. Roben u shpreh pas ndeshjes me Sitin që kërkon të zbavitet ende në fushën e lojës dhe se kjo ishte diçka e mirë për të arritur objektivat e skuadrës.

Paul kush? Në fillim të grumbullimit EMRI Vil ishte vetëm një koncept. Por, 19-vjeçari arriti të fitojë vëmendjen e të gjithëve me paraqitjet e mira. Në ndeshjen e parë ndaj Juventusit dhe të fundit ndaj Mançester Sitit ishte Vil në formacionin e parë. Lojtari ishte modest kur u pyet në lidhje me aktivizimet. "Për momentin jam i fokusuar vetëm te skuadra e dytë. Nëse do të kem mundësinë të tregojë veten, do të jem gati. Të luash me ekipin e parë është një nder i madh". Por, një gjë është e sigurt, emrin Vil duhet ta kemi gjithmonë në konsideratë.

Edhe pse humbi në dy ndeshjet e fundit, trajneri Kovaç është adoptuar menjëherë me punën në klubin e Bajernit. Stërvitja e fortë e tij po jep shenja të forta jete dhe rritje në skuadrën e Bajernit që tani lëviz më shumë dhe prodhon një futboll atraktiv. 46-vjeçari shihet me sy të mirë edhe nga dy drejtuesit kryesorë të Bajernit, Hënes dhe Rumenige. "Mendoj që kemi bërë një zgjedhje të mirë", tha Hënes. Ndërkohë, Rumenige u shpreh: "Trajneri ka bërë një nisje shumë të mirë me skuadrën, jemi në rrugën e duhur".

Manuel Nojer është sërish në formë dhe ka lënë pas dëmtimin, ndaj Sven Ulriash do të rikthehet të qëndrojë në stol si portieri i dytë. "Shpresoj që të luaj ndonjë ndeshje gjatë sezonit", u shpreh Ulriash kur ishte në Majemi me skuadrën. Për të ardhur keq, pasi ai është një portier shumë i denjë për Bajernin. Dhe në dy ndeshjet në turneun e Amerikës, ai ishte protagonist në disa situata që sollën pësimin e golave në skuadrën e tij.

Në ndeshjen ndaj Sitit, mbrojtësi që luan në krahun e majtë u pozicionua në qendër në mungesë të disa titullarëve. Por, në dy golat e shënuar nga Bernardo Silva, austriaku ishte një kohë me vonesë në ndërhyrjet e tij. Lojtari u shpreh pas ndeshjes se skuadra po punon shumë fort dhe me intensitet, por fut akoma ujë në repartin e mbrojtjes, duke mos gjetur ekuilibrat e duhur. Kjo edhe në aspektin personal.

Sulmuesi ishte protagonist në një set fotografish së bashku me Renato Sançez. Njëherë si një Soni Kroket dhe herën tjetër si polici në Majermi Vajs. Por, në fushën e lojës ai shpërdoroi shumë raste. Atij i ka humbur instinkti i golit dhe kjo do t'i kushtojë atij më shumë minuta në stol.

Të dy lojtarët e talentuar u kthyen nga Amerika pa luajtur asnjë minutë. Mesfushori Majer, që në javët e kaluara firmosi kontratën e parë për Bajernin dhe portieri Fruht nuk arritën të debutonin disa minuta në fushën e lojës me skuadrën e parë që do të kishin qenë të nevojshme për ta.