Higuain ekzalton tifozët, do fitojë 10 mln € në vit
Argjentinasi debuton ndaj Realit të Madridit më 11 gusht
Kur Gonzalo Higuain pranoi ofertën e Mi lanit, shkëmbimi i lojtarëve mes "Djallit" dhe Juves u zhbllokua. "El Pipita" vishet kështu kuqezi, e së bashku me të në "Milanello" transferohet edhe shoku i tij në Torino, Matia Kaldara. Ndoshta ky ishte ndër operacionet më të komplikuara të kësaj vere, por në fund të gjithë dolën të kënaqur. Pasi mbërriti në Milano, mbrëmjen e së mërkurës, sulmuesi argjentinas mund të kryente dhe të kalonte dje vizitat mjekësorë pranë strukturës mjekësore "La Madonnina" në Milano. Lojtari pati një pritje të jashtëzakonshme nga tifozëria, e cila përveç koreve inkurajuese nuk harroi t'i kushtonte disa ofendime edhe Bonuçit. Përveç Lukas Biljas, për këtë akord gëzonte edhe Andrea Konti që në profilin e tij "Instagram" shprehte padurimin e tij për golat e argjentinasit.
NUMRA- Pas asaj me numër 19, edhe fanella me numrin 9 është në pritje të pronarit të ri. Zyrtarisht, ajo i takon Andre Silvës që e mbante edhe sezonin e kaluar, por nuk përjashtohet që të merret nga Higuain. Përveç golave, "El
Pipita" do të duhet edhe të thyejë mallkimin e këtij numri, që te kuqezinjtë nuk ka gjetur një mbajtës të denjë që nga largimi i Filipo Inzagit. Nga sezoni 2012-' 13 kanë qenë shtatë lojtarët që janë munduar të lartësojnë fanellën e prestigjeve pa ia dalë dot mbanë. Në këtë
mision kanë dështuar respektivisht: Pato, Matri, Fernando Torres, Destro, Luiz Adriano, Lapadula dhe Andre Silva, teksa për Higuain është thjesht një sfidë që i shtohet aventurës së tij të re. Sipas të gjitha gjasave, sulmuesi do të debutojë me fanellën e Milanit me 11 gusht
në trofeun "Santiago Bernabeu", event i përvitshëm i organizuar nga Reali i Madridit. Për bomberin kuqezi është një qarkore që mbyllet, pasi ishte pikërisht në atë stadium që niste ngjitja e tij në Olimpin e golashënuesve më të mirë në Kontinentin e Vjetër.
KONTRATA- Mbrëmjen e
djeshme erdhi edhe firma e lojtarit në kontratën që do ta lidhë me Milanin në tri sezonet e ardhshme. Shifra të frikshme ekonomike për argjentinasin që në 36 muaj do të arkëtojë diçka më shumë se 30 milionë euro. Pas fjalëve të së mërkurës ku deklaronte se kishte folur me
Gatuzon dhe shprehte gatishmërinë për hapin e ri në karrierë, dje "El Pipita" u mjaftua me buzëqeshje dhe një fjali të shkurtër. "A ndihem i lumtur? Shumë shumë i lumtur!", deklaroi sulmuesi përpara mediave që shoqëronin hyrjen e tij në "Casa Milan".